27.9 C
Dushanbe

Кремлин: истеъфои Ҷонсон нишони пуштибонии мардумӣ надоштани ӯст

Дар пасманзари истеъфои қарибулвуқуи сарвазири Бритониё Борис Ҷонсон, Кремлин мегӯяд, талаби истеъфои Борис Ҷонсон аз ҷониби аъзои кобина Бритониё нишони пуштибонии мардумӣ надоштани ӯст.

Бино ба гузориши расонаҳои русӣ, сухангӯи Кремлин Дмитрий Песков дар нишасти матбуотие имрӯз, 7-уми июл аз ҷониби хабарнигорон пурсида шуд, ки оё метавон гуфт, ки талаби истеъфои Борис Ҷонсон аз нокомии ӯ дар баробари мавқеъҳои хусуматнокаш нисбати Русия аст? Ӯ дар ҷавоб гуфт: “На, чунин намепиндорам ва тарҳи суол ба ин шакл нодуруст аст. Ин нокомӣ нест. Ва вазифаи мо ҳам ин нест, ки амалкардҳои ҳукумат ва кобинаи Бритониёро арзёбӣ кунем”.

Песков дар идома афзуд, “онҷо як сиёсати бисёр печидае вуҷуд дорад, ки агар шахсе пуштибонии мардумӣ ҳам надошта бошад, метавонад ҳукуматро идора кунад ва гумон мекунам оқои Ҷонсон аз ин қабили мардум аст.”

Сухангӯи Кремлин таъкид таъкид кард, ки “Ба ҳар ҳол вазифаи мо баҳогузорӣ нест ва мардуми худи Бритониё ҳастанд, ки амалкардҳои ҳукуматҳояшонро баҳо медиҳанд.”

Ӯ ҳамчунин афзуд, ки баҳогузории буҳрони сиёсии Бритониё аз вазифаҳои аввалиндараҷаи мо нест, “чун мо ӯ (Борис Ҷонсон)-ро дӯст намедорам ва ӯ моро”.

Бино ба гузориши расонаҳои Бритониё имрӯз, 7-уми июл Борис Ҷонсон, сарвазири ин кишвар пас аз баҳсу баррасиҳои зиёд ва истеъфои беш аз 50 аъзои ҳукуматаш розӣ шуд, ки аз мақоми раҳбари Ҳизби муҳофизакор истеъфо диҳад, аммо то фасли тирамоҳ ҳамчун сарвазири Бритониё боқӣ мемонад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гумонбарон дар қатли занҷираии Конибодом боздошт шуданд?

Мақомот гумонбарон дар қатли занҷираӣ дар шаҳри Конибодоми вилояти Суғдро боздошт кардаанд.

Ҳушдори КҲФ аз омадани сел дар баъзе манотиқ кишвар

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба сокинон ва меҳмонони кишвар аз эҳтимоли омадани сел дар чанд ноҳияи кишвар ҳушдор медиҳад.

Боздошти Усмонзода бо иттиҳоми ғасби ҳокимият

Дахлнопазирии вакили парлумони кишвар Саидҷаъфар Усмонзода бекор ва худи ӯ ба ҳабси пешакӣ гирифта шуд.

“Карим”-ро аз Русия ихроҷ карданд

Мақомоти Русия варзишкори тоҷик ва қаҳрамони ду вазни созмони "Hardcore MMA" Фазлиддин "Карим" Мадраҳимовро аз ин кишвар ихроҷ карданд.