32.9 C
Dushanbe

Кӯлоб: Яке аз фаъолони ҲНИТ аз зиндон озод шуд

Кумитаи шаҳрвандии наҷоти гаравгонҳо ва зиндониёни сиёсии Тоҷикистон аз озод шудани яке аз фаъолони Ҳизби наҳзати исломии Тоҷикистон (ҲНИТ) дар минтақаи Кӯлоб хабар дод.

Муҳаммадалӣ Исломов, собиқ масъули Шӯъбаи ҷавонони ҲНИТ дар минтақаи Кӯлоб, дар соли 2015 тавассути мақомоти кишвар аз хонааш боздошт ва сипас бо иттиҳоми пайравӣ аз ҳаракатҳои мамнӯъа дар Тоҷикистон ба 7 соли зиндон маҳкум шуда буд.

Ду сол қабл тибқи “Қонуни афв” як сол аз муҳлати адои ҷазои ӯ дар зиндон кам карда шуд. Вай баъд аз 6 сол аз зиндон озод шудааст.

Муҳаммадалӣ Исломови 38-сола коршиноси аршади фалсафа ва маорифи исломӣ буда, хатмкардаи яке аз донишгоҳҳои Эрон аст.

Кумитаи шаҳрвандии наҷоти гаравгонҳо ва зиндониёни сиёсии Тоҷикистон, ки мақарраш дар шаҳри Варшаваи Лаҳистон аст, озодии ин зиндонии сиёсиро таҳният гуфта, изҳори умедворӣ кардааст, ки ба зудӣ ҳама зиндониёни сиёсии кишвар озод хоҳанд шуд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.