Барномаи Рушди Созмони Милали Муттаҳид барои электронӣ кардани нусхаҳои бойгонии асноди ҳолати шаҳрвандӣ ба Тоҷикистон кукам мекунад.
Раймундас Кароблис дар саҳфаи Тевиттери худ аз кумаки 9,7 миллион евроии Иттиҳоди Аврупо аз тариқи Барномаи Рушди Созмони Милали Муттаҳид ба Тоҷикистон хабар додааст.
Ба гуфтаи роҳбари намояндагӣ ва сафири Намояндагии Иттиҳоди Аврупо дар Тоҷикистон ин кумакҳои Иттиҳоди Аврупо барои электронӣ кардани нусхаҳои қадимӣ ва ҷадиди бойгонии асноди ҳолати шаҳрвандии Тоҷикистон ихтисос дода шудааст.
Диҷитол ва ё ба қавли маъруф электронӣ кардани нусхаҳои бойгонӣ дастрасии мардум ба бойгонӣ ва асноди ҳолати шаҳрвандии худро осон ва сареътар мекунад.
Гуфта мешавад, Ҳукумати Тоҷикистон дар давоми ду даҳсолаи ахир барои таъсиси ҳукумати электронӣ аз созмонҳои ҷаҳонӣ, минтақавӣ ва кишварҳои мухталифи дунё садҳо миллион доллар кумак дарёфт кардааст, вале ҳамоно аксари ниҳодҳои ҳукуматӣ, бахусус мақомоти судӣ, прокуратура ва хеле дигар аз ниҳодҳо дида мешавад, ки қарорҳои ҳукуматро дасти кам 50% иҷро ҳам намекунанд.
