32.9 C
Dushanbe

Кумаки Вазорати меҳнат ба муҳоҷирон

Намояндагии Вазорати меҳнат, муҳоҷират ва шуғли аҳолии Тоҷикистон оид ба муҳоҷират дар Русия ба як гурӯҳ аз муҳоҷирони тоҷик барои пардохти музди корӣ кумак кардааст.

Намояндагии ин вазорат дар сафҳаи фейсбукии худ иттилоъ дода, ки 28-уми июли соли 2021 як гурӯҳ муҳоҷирони кории тоҷик иборат аз 24 нафар барои пардохт нагардидани музди меҳнаташон аз ҷониби корфамо дар Русия ба намояндагии Ҷумҳурии Тоҷикистон дар Федератсияи Россия оид ба муҳоҷират ариза пешниҳод намуданд.

Тибқи маълумот онҳо дар як ширкати сохтмонии шаҳри Маскав кор мекарданд ва наметавонистанд маоши худро, ки 6,2 миллион рубли русӣ аст, аз корфармояшон бигиранд.

Бино ба маълумоти намояндагии Вазорати меҳнат дар Русия аз 3 то 9 августи соли ҷорӣ дар маҷмӯъ аз 6 миллиону 200 ҳазору 230 рубли русӣ муодили 93 ҳазору 48 сомонӣ зиёда аз 3 миллион рубли он ба муҳоҷирон баргардонида шуд.

Гуфтанист, намояндагӣ муайян карда, ки муҳоҷирон дар ин ширкати сохтмонӣ ба сурати корбайъ, вале бидуни шартномаи меҳнатӣ корро қабул карда, ҳаққи кори онҳо баъд аз анҷоми сохтмони иншоот пардохт карда мешавад. Вобаста ба ин масъулони намояндагӣ ба муҳоҷирони корӣ тавсия додаанд, ки пеш аз оғози фаъолияти меҳнатӣ ҳатман бо корфармо шартномаи корӣ ба имзо расонанд ва нусхаи онро дар худ нигоҳ доранд, то минбаъд бо чунин мушкилиҳо гирифтор нашаванд.

Инчунин намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар Федератсияи Русия оид ба муҳоҷират менависад, ки вобаста ба пардохти маблағи боқимондаи муҳоҷирон масъулин бо корфармо суҳбат карда, то охири ҳафтаи оянда маблағ пурра пардохт карда мешавад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.