Тоҷикистон

Кумакҳои башардӯстонаи Тоҷикистон ба Покистон

Тоҷикистон дар ҳаҷми 3 ҳазор тонна орд, оби нӯшокӣ, ангиштсанг ва ғайра аз колоҳои мавриди ниёз ба мардуми зарардидаи Покистон кумак мекунад.

Акс аз манбаъҳои боз

Имрӯз, 6-уми августи соли 2022, Хадамоти матбуоти Президенти Тоҷикистон хабар дод, ки бо супориши "Эмомалӣ Раҳмон Фармоиши Комиссияи давлатии Ҳукумати Ҷумҳурии Тоҷикистон оид ба ҳолатҳои фавқулода қабул гардид, ки дар асоси он ба мардуми Ҷумҳурии Исломии Покистон кумаки башардӯстона ҷудо карда шуд."

Ба қавли манбаъ, "кумаки башардӯстона аз 500 тонна орд, 500 тонна оби нӯшокӣ, 1000 тонна ангиштсанг, 1000 тонна семент ва 2000 адад шифер иборат мебошад, ки вазни умумии беш аз 3000 тонна ва маблағи 12 миллиону 200 ҳазор сомониро ташкил медиҳад."

Дар ин фармоиши Эмомалӣ Раҳмон таъкид шуда, ки корвони мошинҳо бо кумакҳои башардӯстона фардо 7-уми сентябр ба роҳ бароянд ва "мақомоти дахлдори кишвар барои то қаламрави Ҷумҳурии Исломии Покистон расонидани кумаки ҷудогардидаи башардӯстона вазифадор карда шуданд."

Гуфта мешавад, бар асари боришоти пайдарпай ва обхезиҳои аз ҳад зиёд дар Покистон ҳудуди 1265 нафар ҷони худро аз даст додаву зиёда "33 миллион нафар шаҳрвандони кишвар зарар дидаанд. Ҳамчунин беш аз як миллион манзили истиқоматӣ, роҳу пулҳо, дигар иншооти инфрасохторӣ ва заминҳои кишоварзӣ пурра хароб гардидаанд."

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp, Viber ва Imo ба ин рақам:

Матолиби дигари Тоҷикистон

Тоҷикистон

Кӣ рост мегӯяд: Эмомалӣ Раҳмон ё Владимир Путин?

Вокуниши ПМТ ба иттиҳомоти ҷониби Қирғизистон

Тоҷикистон

Мулоқоти Эмомалӣ Раҳмон бо вазири корҳои хориҷаи Саудӣ

Тоҷикистон

Оғози мурофиаи додгоҳии журналист Абдуллоҳи Ғурбатӣ