32.9 C
Dushanbe

Кумитаи ҳолатҳои фавқулодда ба зарардидагони сел дар ноҳияи Вахш кумак кард

Кумиати ҳолатҳои фавқулоддаи Тоҷикистон аз расондани кумак ба зарардидагони сел дар ноҳияи Вахш хабар дод. 17-уми май кормандони КҲФ бо намояндагони Кумитаи меъмории Тоҷикистон хонаҳоеро аз назар гузарониданд, ки эҳтимолан барои зиндагии оянда хатар доранд.

Гуфта мешавад, дар ноҳияи Вахш Ситоди фаврӣ барои куамк ба осебдидагони сел таҳти сарпарастии ҷонишини Раиси Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон полковник Сулаймон Исозода таъсис ёфта шабонарӯз фаъолият мекунад.

Барои бартарафсозии оқибатҳои сел 15 нафар афсарони Раёсати Куитаи ҳолатҳои фаввқулодда дар вилояти Хатлон ва се мошини махсус хидмат мекунад.

Тибқи иттилои Кумита давоми як шабонарӯзи гузашта 40 сарбози қисми низомии КҲФ дар ноҳияи Вахш бо истифода аз ду мошин 9 хонаро аз лойю лойоба тоза намуда, дар шаҳраки хайманишинон барои осебдидагон боз 8 хайма заданд.

“16 майи соли 2021 ҳангоми ҳамоҳангсозии кори Ситоди фаврии КҲФ дар деҳаи Иттифоқи ҷамоати деҳоти “20-солагии Истиқлолияти Тоҷикистон” – и ноҳияи Вахш, ки аз сел зарар дида буд, ташкилоти “Собир Сам” 7 мошини боркаш, ду таҷҳизоти механикии борбардор ва 1 экскаваторро барои таъмири роҳҳои байни деҳаҳо ҷудо кард. Ин мошинҳо то кунун 32 маротиба лойю ифлосиҳо ва сангу шағалу селовардҳоро аз макони офат берун кашидаанд”,-омадааст дар хабари Кумита.

Ҳамчунин қайд мегардад, ки то имрӯз дар маҷмуъ 760 метр роҳи вайрондушдаи деҳот асфалтпӯш карда шудааст.

“Аз рӯзи аввали оғози бартарафсозии паёмадҳои ҳолатҳои фавқулодда то 17-уми майи соли 2021 1900 метр роҳ дар минтақаҳои офатзада мумфарш карда шудааст”.

Кумитаи ҳолатҳои фавқулоддаи Тоҷикистон мегӯяд, ҳамарӯза аз ҳисоби мақомот ва низ бо дастгирии созмонҳои байналмилалӣ ба осебдидагон ҳам маводи ғизоӣ ва ҳам ашёи ниёзи аввал кумак мерасонад.

Дар ин ноҳия ва дигар минтақаҳои офатзадаи Тоҷикистон корҳои баратафсозии паёмадҳои офатҳои табиӣ идома доранд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.

Эълони ҳукми зиндони сарбозоне, ки наваскаронро латтукӯб карданд

Чанд сарбозе, ки дар як навор навсакаронро бераҳмона латтукӯб мекарданд, ҳамаи онҳо равонаи зиндон шуданд.