Бонки миллии Тоҷикистон рӯзи чоршанбе, 09-уми март аз 14,9% поин рафтани қурби пули миллии сомонӣ дар баробари доллари ИМА хабар дод.
Тибқи эълони расмии Бонки миллӣ имрӯз, 9-уми март қурби сомонӣ дар баробари 1 доллар, 13 сомониро ташкил дод, дар ҳоле, ки як рӯз пеш ин рақам баробар ба 11,3 сомонӣ буд.
Ҳамин тариқ, дар як рӯз қурби доллари ИМА нисбат ба як рӯзи қабл 1,7 сомонӣ гаронтар шуд.
Ҳамчунин дар ин муддат қурби евро аз 12,62 то 14,19 сомонӣ боло рафт.
Қурби расмии рубли русӣ, ки Бонки миллӣ барои имрӯз муъайян кардааст, 0,0995 сомониро ташкил медиҳад.
Дар ҳамин ҳол, бонкҳои Тоҷикистон ҳафтаи дуввум аст, ки бо ишора ба набуди арзи хориҷӣ онро намефурӯшанд. Бонки миллии Тоҷикистон то ҳол сабаби боло рафтани қурби расмии доллару евро ва набудани асъори хориҷиро шарҳ надодааст.
Болоравии қурби доллар мардумро нигарон кардааст, чун болоравии қурби доллар баҳонае барои боло бурдани нархи маҳсулот мегардад.
