Шаби 24-уми апрели соли 2025 пойтахти Украина, шаҳри Киев ҳадафи ҳамлаи шадиди низомии Русия қарор гирифт.
Бар асоси маълумоти расмӣ, Руси бо паҳподҳо ва мушакҳо Киевро ҳамла кард, ки дар натиҷа 12 нафар кушта ва 90 тани дигар маҷруҳ шуданд. Дар миёни қурбониён панҷ кӯдаки ноболиғ низ ҳастанд.
Ин ҳамла, ки бузургтарин ҳамлаи Русия ба Киев пас аз ҳодисаи беморхонаи “Оҳматдет” номида мешавад, асосан ба ноҳияи Святошинский зарар расондааст. Гуфта мешавад, як бинои истиқоматӣ дар ин минтақа пурра хароб шудааст. Инчунин дар навоҳии Голосеевский, Подолский ва Шевченковский пораҳои паҳподҳои ҳарбӣ афтодаанд.
Виталий Кличко, шаҳрдори Киев гуфт, ки 31 нафар аз захмиён дар бемористон бистарӣ шудаанд ва амалиёти ҷустуҷӯ ва наҷот дар зери харобаҳо идома дорад. Ба гуфтаи ӯ, дар маҷмуъ 12 бино осеб дидааст.
Ҳамлаи навбатии Русия бо 215 паҳпод ва мушак мавҷи нави нигарониҳоро дар дохил ва хориҷи Украина ба вуҷуд овардааст.
