11.9 C
Dushanbe

Кушта ва захмӣ шудани беш аз 220 нафар бар асари заминларзаи дирӯза

Бар асари заминларзаи сахте, ки шаби 21-уми марти соли ҷорӣ рух дод, дар Афғонистон ва Покистон беш 220 нафари кушта ва захмӣ шуданд.

Билол Каримӣ, муовини сухангӯи ҳукумати сарпарасти Толибон дар Афғонистон ба расонаҳои маҳаллӣ гуфта, ки бар асари заминларзаи сахте, ки шаби гузашта рух дод, дар ин кишвар 4 нафар ба ҳалокат расида, 70 нафари дигар бо захмҳои гуногун ба бемористон интиқол ёфтаанд.

Дар ҳамин ҳол гузоришҳо расида, ки дар Покистон бар асари ин заминларза 9 нафар зери овораҳои фурӯрехта монда, ҷон бохтаанд ва беш аз 150 нафар дигар захмӣ шудааст. Мақомоти ин кишвар қувваи зиаминларзаро 6,8 дараҷаи Рихтер гуфтанд.

Ин заминларза дар дигар кишварҳои Осиёи Марказӣ, аз ҷумла Узбекистон ва Қирғизистон эҳсос шудааст, аммо талафоте сабт нашудааст.

Ба иттилои сухангӯи Кумитаи ҳолатҳои фавқулоддаи Тоҷикистон Умеда Юсуфӣ, шиддатнокии ин заминларза дар марказаш 7 бал ва дар ҳудуди кишвари мо 5 балро ташкил дод ва хушбахтона талафоти ҷонӣ ва молӣ ба қайд гирифта нашудааст.

Ёдовар мешавем, ки шаби 21-уми марти соли ҷорӣ тақрибан соати 21:50 ба вақти Тоҷикистон заминларзаи сахте рух дод, ки ҳама сокинонро ба даҳшат овард.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Баргузории нишасти вазирони умури хориҷии ИА дар Украина

Қарор аст барои нахустин бор нишасти вазирони корҳои хориҷии кишварҳои узви Иттиҳоди Аврупо дар Украина багузор шавад.

Боз сӯхтори бозор. Ин бор дар Суғд

Бомдоди 2-уми октябри соли ҷорӣ бозори фурӯши масолеҳи сохтмонии шаҳри Хуҷанд, "Ҷумъабозор" оташ гирифта, чандин дукону мағоза ба коми оташ фурӯ рафт.

Дархости мухлисони футбол аз “Барқи тоҷик”

Сокинони шаҳру ноҳияҳои Тоҷикистон аз ширкати "Барқи тоҷик" талаб доранд, ки имшаб барои тамошои футболи дастаи “Истиқлол”-и Душанбе ва “Ан-Наср”- и Арабистони Саудӣ, барқро қатъ накунанд.

Чанд шаҳру ноҳия дар рӯзи аввал нақшаи даъватро иҷро карданд

Мақомоти ВМКБ, баъзе ноҳияҳои вилояи Хатлон ва вилояти Суғд хабар доданд, ки нақшаи даъватро дар як рӯз пурра иҷро кардаанд.