13.9 C
Dushanbe

Куштори як оила бо шумули кӯдакони хурдсол дар Русия

Дар шаҳри Нижний Новгороди Русия як оилаи чаҳорнафарӣ, зану шавҳар ва ду кӯдаки хурдсол дар дохили манзилашон бо корд кушта шудаанд.

Акс аз сомонаи “vse42.ru”

Бино ба иттилои Раёсати тафтишотии минтақавӣ дар Нижний Новгород, субҳи 23 март ҷасади як марди 43-сола ҳамроиҳи ҳамсари 41-сола ва ду фарзанди 10 ва 4-соларо аз дохили манзили истиқоматашон пайдо кардаанд.

“Субҳи рӯзи чаҳоршанбе дар яке аз манзилҳо ҷасади як мард, як зан ва ду кӯдак пайдо шуд – дар ҳама ҷасадҳо захмҳои корд дида мешавад”, – мегӯяд сардори Раёсати тафтишотии минтақавӣ вилояти Нижний Новгород генерал-лейтенанти адлия Айрат Ахметшин.

Ба гуфтаи Айрат Ахметшин, “дар ҷои ҳодиса айни замон муфаттишони бо таҷриба ва муфаттишони криминалистии Раёсати тафтишотии вилоят ва афсарони пулиси фаврӣ фаъолият доранд. Додситонии вилоят тафтишотро оғоз карда, ҳолатҳои ҳодиса мушаххас карда мешаванд.”

Гуфта мешавад, ҳоло гунаҳкорони ин ҳодиса мушаххас нашудаанд, аммо мақомоти тафтишотӣ аз рӯи ин ҷиноят тибқи моддаи 105-и Кодекси ҷиноии Федератсияи Русия (Куштори ду ва зиёда аз ду нафар) парвандаи ҷиноӣ боз кардаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ҷузъиёти боздошти Сулаймон Давлатов аз забони вакили дифоаш

Сабаби боздошти Сулаймон Давлатов, яке аз фаъолони сиёсӣ ва паноҳанда дар Литва, ки рӯзи ҷумъаи гузашта боздошт шуда буд, маълум шуд.

Навори нави чор гумонбари ҳамла ба “Крокус”

Хадамоти федералии амнияти Русия навори ыадиде аз бозпурсии чаҳор гумонбари ҳамлаи террористӣ ба "Крокус Сити Ҳолл"-и Красногорскро нашр кард.

То 600 сомонӣ ҷарима барои идгардаки кӯдакон дар Тоҷикистон

Вазорати маориф ва илми Ҷумҳурии Тоҷикистон бо судури қароре идгардакро дар рӯзи иди Рамазон барои кӯдакони боғча то донишомӯзони мактабу донишҷӯён мамнуъ эълон кад.

Боздошти Сулаймон Давлатов дар Литва

Мақомоти Литва Сулаймон Давлатов, як фаъоли сиёсии тоҷик ва паноҳанда дар ин кишварро боздошт кард.