Ҷаҳон

Пешравии қувваҳои низомии Русия дар вилояти Лугански Украина

Бино ба иддаои мақомоти Русия, нерӯҳои низомии ин кишвар чанде аз шаҳрҳои вилояти Лугански Украинаро пурра ба тасаруфи худ дароварда, ба нерӯҳои украинӣ хасороти зиёд ворид кардаанд.

Сергей Шойгу, вазири дифои Русия асри рӯзи якшанбе зимни нашри баёняе эълом кард, контроли комили шаҳри Лисичанскии вилояти Луганскро ба даст гирифта, барилова, инчунин шаҳрҳои Белогоровка, Новодружеск, Малорязантсеворо низ тасарруф карданд.

Сергей Шойгу, вазири дифои Русия. Акс аз Вадим Савицкий / ТАСС

Аммо дар ҳамин ҳол Сергей Гайдай, раиси маъмурияти низомии вилояти Луганск дар телеграм-канали худ тасарруфи шаҳрҳои мазкурро аз ҷониби русҳо рад карда, гуфтааст, ки нерӯҳои низомии Русия пас аз убур аз дарёи Северский Донетс танҳо шаҳри Золотаревкаро ба тасарруфи худ дароварда ва нерӯҳои худро дар атрофи шаҳри Лисичански мустақар кардаанд. Ба гуфтаи ин мақоми низомии украинӣ нерҳои Русия то ҳол натавонистаанд шаҳраки Белогоровкаро ба тасарруфи худ дароранд.

Сергей Гайдай, раиси маъмурияти низомии вилояти Луганск

Ёдовар мешавем, ки ҳамлаи низомии Русия ба Украина аз субҳи 24-уми феврали соли ҷорӣ оғоз шуд ва инак моҳи панҷум аст, ки ҷанг дар ин кишвар идома дорад. То кунун бар асари ин ҷанг даҳҳо ҳазор сарбоз аз ду ҷониб куштаву захмӣ шуда, наздик ба 10 миллион шаҳрвандон овораву саргардон шудаанд.

Дар ин ҷанг ҷанде аз шаҳрвандони Тоҷикистон, ки дар сафи нерӯҳои Русия меҷангиданд, кушта шуда, ҷасади онҳо ба Ватан бурда дафн шуданд. Аммо маълум нест дар сафи нерӯҳои украинӣ чанд тоҷикистонӣ вуҷуд дорад ва чанд нафар кушта ва ё захмӣ шудааст, оморе дар даст нест.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp, Viber ва Imo ба ин рақам:

Матолиби дигари Ҷаҳон

Ҷаҳон

Қатли 11 нафар бо шумули кӯдакон дар ҳамалаи Исроил ба Навори Ғазза

Ҷаҳон

Оғози размоиши бузурги Чин дар марзи Тайван

Ҷаҳон

Дар пайи сафари Пелосӣ ба Тайван Чин сафири Амрико дар Пекинро эҳзор кард

Ҷаҳон

Ҳушдори Амрико аз интиқоми эҳтимолии гурӯҳи "Ал-Қоида"