Лаҳистон қасд дорад бо харҷи якуним миллиард злотӣ (наздик ба 370 миллион доллар) ниме аз марзи худ бо Беларусро симхорбандӣ карда, ба хотири пешгирӣ аз вуруди ғайриқонунӣ назорат дар сарҳадро пурзӯр кунад.
Кумитаи марзбонии Лаҳистон хабар дод, ки дирӯз, 25-уми январ 12 нафар муҳоҷири ироқӣ, суриягӣ ва лубнониеро дар марз бо Беларус боздошт кардаанд, ки сарҳадро ғайриқонунӣ убур кардаанд.
Пеш аз ин Кумитаи марзбонӣ бо нашри як навор иттилоъ дод, ки Лаҳистон қасд дорад 186 километри марзи муштараки худ бо Белорусро симхорбандӣ кунад. Ин бузургатин тарҳ дар торихи ин кумита ба ҳисоб рафта, Лаҳистон барои бунёди ин девор якуним миллиард злотӣ (ҳудуди 370 миллион доллар) харҷ мекунад.
Ба гузориши ин манбаъ, мақомоти Лаҳистон қасд доранд, ки аз 418 километр марзи муштарак бо Беларус 186 километрашро бо симхор девор бикашанд. Баландии ин девор 5 метар ва паҳнойи он 0,5 метр гуфта шудааст.
Инчунин мақомоти Лаҳистон таъкид кардаанд, ки ба хотири муҳофазат ва осон шудани кори марзбонон деворҳои сохта шуда бо дурбинҳои мадорбаста муҷаҳҳаз гардида, ба хотири пешгирӣ аз вуруди муҳоҷирони ғайриқонунӣ назорат дар сарҳад пурзӯр карда мешавад.
Муносиботи кишварҳои Лаҳистон ва Беларус дар соли 2021 хеле сард шуд. Баларус Лаҳистонро ба пуштибонӣ аз мухолифони Александ Лукашенко муттаҳам мекунад ва Лаҳистон Беларусро ба ирсоли муҳоҷирони ғайриқонунӣ.
Инчунин Лаҳистон дар соли гузашта ҳазор муҳоҷири ғайриқонуниро, ки аз тариқи хоки Беларус ба ин кишвар ворид шуданд, боздошт кард. Дар байни муҳоҷирони боздоштшуда, натанҳо паҳонҷӯёни кишвраҳои арабӣ, африқоӣ, эронӣ ва афғонӣ буданд, балки намояндаҳои кишварҳои Осиёси Марказӣ аз ҷумла Тоҷикистон ҳам кам набуданд.
