35.9 C
Dushanbe

Вазири хориҷаи Русия вориди Душанбе шуд

Сергей Лавров, вазири корҳои хориҷии Русия 12-май бо сафари расмие вориди Душанбе шуд. Дар ин бора Вазорати корҳои хориҷии Тоҷикистон хабар медиҳад.

Тибқи хабарҳо, Лавров баъд аз сафари корияш аз Масқати пойтахти Уммон ба Тоҷикистон сафар кад.

Гуфта мешавад, вазири корҳои хориҷии Русия дар ҷаласаи Шӯрои вазирони корҳои хориҷии кишварҳои ИДМ, ки рӯзи 13-уми май дар Душанбе баргузор мешавад, ширкат хоҳад кард.

Дар ҷаласаи Шӯрои вазирон ҷонибҳо дурнамои рушди ҳамкориҳо дар доираи ИДМ, масъалаҳои амнияти байналмилалӣ ва густариши робитаҳо дар бахшҳои гуманитарӣ ва илмиро баррасӣ хоҳанд кард.

Ҷаласаҳои Шӯрои вазирони корҳои хориҷии ИДМ соле ду маротиба баргузор шуда, ҷаласаи навбатӣ моҳи октябри соли ҷорӣ дар Нур-Султон баргузор мешавад.

Дар хабарҳои расмӣ аз вохӯрии Лавров бо мақомдорони баландпояи Тоҷикистон чизе гуфта нашудааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мишустин аз густариши ҳамкориҳои Русия бо Тоҷикистон гуфт

Михаил Мишустин, сарвазири Русия дар суҳбат бо ҳамтои тоҷикаш...

Трамп расман ба даст доштан дар ҷинояти нав муттаҳам шуд

Доналд Трамп, собиқ раисҷумҳури Амрико аз сӯи Вазорати додгустарии ин кишвар дар парвандаи нигаҳдории асноди маҳрамонаи давлатӣ пас аз поёни давраи президентияш муттаҳам мешавад.

Мулоқоти сафири Тоҷикистон бо Додситони кулли Туркия

Ашрафҷон Гулов, домоди Эмомалӣ Раҳмон ва сафири Тоҷикистон дар Туркия, 8-уми июни соли ҷорӣ бо Додситони кулли Туркия Бекир Шоҳин мулоқот карда, ба густариши ҳамкориҳо таъкид кард.

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.