32.9 C
Dushanbe

Лавров: мо пешниҳодоти Амрикоро дар мавриди гуфтушунидҳо оиди силоҳи ҳастаӣ қабул намекунем

Вазири корҳои хориҷаи Русия, Сергей Лавров дар хусуси гуфтушунидҳо оиди Созишномаи “назорат ва сохти силоҳҳои ҳастаӣ” мегӯяд, ки Иёлоти Муттаҳидаи Амрико дар ин бора хостаҳои ғайривоқеӣ дар миён мегузорад. Ӯ таъдик намуда, ки Русия ба ин талабот розӣ нахоҳад шуд.

Лавров зимни иштирок дар нишасте рӯзи якшанбе гуфт: “Гуфтушунидҳое, ки ахиран дар Вена байни муовини ман, Сергей Рябков ва намояндаи махсуси Амрико, Маршалл Биллингсли шуда гузашт, амрикоиҳо рӯйи шартҳое пофишорӣ мекунанд, ки дар ҳақиқат ғайривоқеиянд, аз ҷумла талаби ҳамроҳ шудани Чин дар ин паймон ё ягон паймони дигаре, ки дар оянда ба имзо мерасад”.

Лавров афзуд, ки “дар ҳолати идома ёфтани тарҳҳои ғайри қобили иҷро аз ҷониби амрикоиҳо, ин аҳднома ба анҷом бирасад беҳтар аст. Зеро он тарҳе, ки мо бояд Чинро қонеъ кунонем, ин корро карданӣ нестем, зеро мавқеи Чинро эҳтиром мекунем. Ба гуфтаи Лавров ин сенария ба маънои аз байн бурдани мехонизми танзими қонунҳо дар заминаи аслиҳаи ҳастаӣ мебошад.

Лозим ба ёдоварист, ки нусхаи 3-и Созишнома оиди маҳдудияти сохтани силоҳи ҳастаӣ, ки байни Русия ва Амрико соли 2010 ба имзо расида буд, ягона муомали кории ду тараф дар заминаи коҳиши аслиҳаи ҳастаӣ ба ҳисоб мерафт. Ин аҳднома бояд имсол бо ризояти ду тараф тамдид мешуд, аммо Вашингтон дар таърихи 2-юми августи соли 2019 аз тавофуқномаи “халъи мушакҳои миёна ва кӯтоҳ” даст кашидааст, гуфтушунидҳоро байни ин ду кишвар дар заминаи силоҳи ҳастаӣ душвар кардааст.

“Дар ҳоле, ки Русия борҳо омодагии худро барои тамдиди Созишнома “дар бораи назорати сохти силоҳи ҳастаӣ” бо Иёлоти Муттаҳида изҳор доштааст, аммо Идораи президенти ИМА Доналд Трамп дар ин бора аз худ рағбате нишон надодааст”, – менависанд расонаҳои русӣ.

Ин боиси даъват ба гуфтушунидҳо оид ба тавофуқномаи васеътари сеҷониба оид ба силоҳи ҳастаӣ гардид, ки Чинро низ дар бар мегирад.

Русия ва Иёлоти Муттаҳида то ба имрӯз ду давраи музокирот оид ба масъалаи мазкурро гузарониданд, ки яке 22 июн ва дигарӣ 18 августи соли ҷорӣ дар Вена пойтахти Утриш (Австрия) баргузор гардид, вале то ба ҳол ба натиҷаи мушаххасе нарасидаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.

Эълони ҳукми зиндони сарбозоне, ки наваскаронро латтукӯб карданд

Чанд сарбозе, ки дар як навор навсакаронро бераҳмона латтукӯб мекарданд, ҳамаи онҳо равонаи зиндон шуданд.

Сафорат боздошти муҳоҷирон дар Митиноро шарҳ дод

Сафорати Тоҷикистон дар Маскав рӯзи 30-уми майи соли ҷорӣ пас аз боздошти беш аз 150 муҳоҷири корӣ, ки дар расонаҳои дохилӣ ва хориҷӣ бозтоби густарда ёфт, шарҳ дод.