32.9 C
Dushanbe

Лоиҳаи “Беҳтар намудани хизматрасонии тиббӣ” барои тасдиқ ба Парлумон фиристода шуд

Президенти Ҷумҳурии Тоҷикистон созишномаи байни Тоҷикистон ва Ассотсиатсияи Байналмилалии Рушд оид ба лоиҳаи «Беҳтар намудани хизматрасонии тиббӣ» -ро барои тасдиқ ба Маҷлиси намояндагони Маҷлиси Олии кишвар пешниҳод намудааст. Дар ин бора сомонаи Маҷлиси намояндагон кишвар иттилоъ медиҳад.

Гуфта мешавад, ин созишномаи маблағгузорӣ (маблағгузории дуюми иловагӣ)”, 16 ноябри соли 2020 дар шаҳри Душанбе ба имзо расида буд.

Дар ҷаласаи Шӯро Маҷлиси намояндагон, таъкид карда шудааст, ки ҳадафи амалисозии лоиҳа мусоидат ба беҳтар намудани фарогирӣ ва сифати хизматрасониҳои асосии кумаки аввалии тиббию санитарӣ дар шаҳру навоҳии кишвар мебошад.

Ҳамчунин қайд гардидааст, ки маблағи иловагии пешниҳодгардида барои лоиҳаи мазкур 7,3 млн. ҳуқуқи махсуси қарзгирӣ 10,0 млн. доллар мебошад, ки аз ҳисоби гранти Бонки умумиҷаҳонӣ маблағгузорӣ мегардад.

Лоиҳаи мазкур аз се қисмат иборат буда, кисмати якуми он “Маблағгузорӣ дар асосӣ натиҷаҳои фаъолият” ба ҳисоб меравад.

Инчунин қайд гардида, ки лоиҳаи кумакҳои аввалияи тиббию санитарӣ дар даҳ ноҳияи вилоятҳои Хатлон: (Ёвон, Данғара, Ҷалолиддини Балхӣ, Фархор, Қубодиён) ва дар Суғд: (Спитамен, Ҷаббор Расулов, Деваштич, Мастчоҳ) ва ноҳияи Файзобод ва васеъкунии минбаъдаи татбиқи МНФ дар 6 ноҳияҳои нави таҷрибавии ҷумҳурӣ (Кӯшониён, Кӯлоб, Ҳамадонӣ, Абдураҳмони Ҷомӣ, Зафаробод ва Дарвоз) гузаронида мешавад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.

Эълони ҳукми зиндони сарбозоне, ки наваскаронро латтукӯб карданд

Чанд сарбозе, ки дар як навор навсакаронро бераҳмона латтукӯб мекарданд, ҳамаи онҳо равонаи зиндон шуданд.

Сафорат боздошти муҳоҷирон дар Митиноро шарҳ дод

Сафорати Тоҷикистон дар Маскав рӯзи 30-уми майи соли ҷорӣ пас аз боздошти беш аз 150 муҳоҷири корӣ, ки дар расонаҳои дохилӣ ва хориҷӣ бозтоби густарда ёфт, шарҳ дод.