Бо супориши Эмомалӣ Раҳмон Вазорати рушди иқтисод ва савдои кишвар уҳдадор шуда, ки лоиҳаи Стратегияи рушди тиҷорати электронӣ ва барномаи татбиқи онро таҳия ва ба Ҳукумат пешниҳод намояд.
16-уми марти соли 2022 дар шаҳри Душанбе ҷаласаи XXII Шӯрои машваратии назди Президенти Ҷумҳурии Тоҷикистон оид ба беҳтар кардани фазои сармоягузорӣ баргузор шуд.
Дар ин ҷаласа ба Вазорати рушди иқтисод ва савдо ва Маркази миллии қонунгузорӣ супориш дода шуда, ки якҷо бо дигар вазорату идораҳои дахлдор лоиҳаи Қонуни Ҷумҳурии Тоҷикистон “Дар бораи тиҷорати электронӣ”-ро таҳия ва пешниҳод намоянд.
Гуфтанист, дар ин нишаст, ки бо ҳузур намояндаҳои ҳукумат, созмонҳои байналмилалӣ ва соҳибкорон баргузор шуд, таъкид гардида, ки “Стратегия ва барномаи амал бояд маҷмӯи чорабиниҳоро оид ба баланд бардоштани малакаи рақамӣ ва молиявии аҳоливу соҳибкорон, рушди инфрасохтор ва логистикаи тиҷорати электронӣ, такмил додани гардиши ҳуҷҷатҳо ва пардохтҳои электронӣ фарогир бошад.”
