Маҷруҳ шудани як муҳоҷири тоҷик ҳангоми кор дар сохтмон
Дар майдони сохтмонӣ дар ноҳияи Академии Екатеринбург як коргари хориҷӣ маҷрӯҳ шудааст. Дар ин ин бора "Вечерние ведомости" хабар дод.
Бино ба иттилои ин сомона ин муҳоҷири маҷруҳшуда шаҳрванди 20-солаи Тоҷикистон мебошад, ки қонунӣ дар Русия қарор дорад. Айни замон ӯ бо ҷароҳатҳои зиёди ҷисмонӣ дар беморхона бистарӣ шудааст.
Гуфта мешавад, ҳангоми кор дар сохтмон як пораи плитаи монолитӣ ба болои ин ҷавон афтодааст.
Дар пайи ин ҳодиса Прокуратураи ноҳия барои муайян кардани тамоми ҳолатҳо ва сабабҳои ҳодиса санҷиш гузаронида истодааст.
Ҳамчунин қайд карда шудааст, ки агар қонуншиканӣ ошкор карда шавад, нисбати ҷинояткорон чора андешида мешавад.
Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp , Viber ва Imo ба ин рақам: +48519767404 бифиристед.