11.9 C
Dushanbe

Маҳсулоти содиротии Тоҷикистон ба Амрико

Тоҷикистон ба Амрико бо маблағи умумии 17 ҳазор доллари амрикоӣ, афшураҳои мева, аз қабили мураббо, шарбати мева (сок) ва ғайраро содир кардааст.

Гуфта мешавад, ки ин бори нахуст аст, ки аз Тоҷикистон ба ИМА маҳсулоти консервшуда содир мешавад, ки тавассути роҳҳи обӣ тариқи Туркия ба Амрико фиристода шудааст.

Дар ин бора намояндаи Вазорати саноат ва технологияҳои нав дар вилояти Суғд Наргис Шамсиева ба “Азия-Плюс” гуфтааст:

“Корхонаи “Субҳи Ватан”-и шаҳри Исфара, ки асосан меваҳои нодир ва шифабахши Тоҷикистонро аз гӯшаву канори кишвар ҷамъоварӣ карда, ҳар гуна консерваҳо истеҳсол мекунад, бо кишварҳои Аврупо, Туркия, Амрико, Русия ва дигар давлатҳо  шартнома баста маҳсулоташонро ба таври муосир бандубаст карда, ба бозори ҷаҳонӣ роҳ ёфта истодаад”.

Дар идома гуфта шудааст, ки айни ҳол дар вилояти Суғд ба ғайр аз коргоҳҳои хурд, ки дар шаҳру ноҳияҳо ба истеҳсоли афшураҳо машғуланд, 16 корхонаи калони истеҳсоли консерва фаъолият мекунанд.

Тибқи иттилои нашршуда, ин корхонаҳо давоми 10 моҳи соли равон 28,8 миллион қуттии шартии консерва истеҳсол кардаанд, ки назар ба ҳамин давраи соли гузашта 1,5 маротиба зиёд гуфта шудааст.

Содирот ба Русия 9.8 миллион ҷаъба бо маблағи 103 ҳазор доллари амрикоӣ, ба Украина 29 ҳазор доллар ва ба Белорус 10 ҳазор доллар маҳсулот содир карда шудааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Вазир аз шарҳи ҳодисаи куштори зиндони Ваҳдат худдорӣ кард

Музаффар Ашӯриён, вазири адлияи Тоҷикистон дар нишасти матбуотии ниҳодаш нахост ҳодисаи хунини Муассисаи ислоҳии №3/2-и шаҳри Ваҳдатро шарҳ диҳад.

ВКД боздошти “БОИМ”-ро расман тасдиқ кард

Вазири корҳои дохилии Тоҷикистон Рамазон Раҳимзода 13-уми феврал дар нишасти матбуотии ниҳодаш истирдод ва боздошт шудани Иброҳим Сафаров расман тасдиқ кард.

Додгоҳи олӣ парвандаи чеҳраҳои маъруфро шарҳ дод

Додгоҳи олии Тоҷикистон 13-уми феврал зимни нишасти матбуотӣ, парвандаи чеҳраҳои сиёсиро одилона ном бурд ва онро шарҳ дод.

Ҳимоят аз Радиои Озодӣ баъди изҳороти нигаронкунандаи Илон Маск

Ҷунбиши ислоҳот ва рушди Тоҷикистон бо интишори изҳороте дар сайҳфаи фейсбукии худ аз эҳтимоли баста шудани Радиои Озодӣ изҳори нигаронӣ кард.