26.9 C
Dushanbe

Мақомот аз “Комиссияи 44” хост дигар ба вазъи Бадахшон дахолат накунад

Мақомти Вилояти Мухтори Кӯҳистони Бадахшон аз “Комиссияи 44” хостаанд, дигар барои ба эътидол даровардани вазъи пешомада дар ин вилоят дахолат накунад.

Бино ба иттилои Рдиои Озодӣ, Фаромӯз Эргашев, ҷавони ҳуқуқшинос ва узви “Комиссияи 44” аз тарафи Додситонии ВМКБ дар шаҳри Хоруғ мавриди боспурсӣ қарор гирифтааст.

Гуфта мешавад, мақомот ҳангоми бозпурсӣ аз Эргашев хостаанд, ки ӯ ва ҳамроҳонаш дигар “ба масъалаи ба эътидол овардани вазъ дар Хоруғ дахолат накунанд.”

Намояндаи дафтари матбуотии “Комиссияи 44” Хуҷамрӣ Пирназаров рӯзи 4-уми январ ба Радиои Озодӣ даъват шудани Фаромуз Эргашевро ба бозпурсӣ аз тарафи мақомоти додситонии вилоят тасдиқ кард.

“Аъзои ҷомеаи шаҳрвандӣ мардумро ором карданд. Аз майдон берун карданд. Мехоҳанд, тафтишоти марги Гулбиддин Зиёбеков мунсифона сурат гирад. Вале мақомот дар ҷаласаҳои худ аъзои ҷомеаи шаҳрвандиро танқид мекунанд ва ҷинояткор ном мебаранд,” – мегӯяд Пирназаров.

Аммо мақомти ВМКБ то ҳол дар ин маврид расман чизе нагуфтаанд. Ин дар ҳолест, ки барои ба эътидол даровардани вазъ дар ин вилоят пас аз гуфтушуниди намояндагони ҷомеаи шаҳрвандӣ бо мақомот дар охири моҳи ноябр “Комиссияи 44” ташкил шуд ва мардумро тавонист аз майдон баровард.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Афзоиши муҳоҷирати тоҷикон ба ИМА

Сафорати Иёлати Муттаҳидаи Амрико дар Тоҷикистон мегӯяд, ки судури раводиди муҳоҷиратӣ барои тоҷикистониҳоро афзоиш додааст.

Нишасти Шӯрои олии иқтисодии Иттиҳоди Авруосиё

Эмомалӣ Раҳмон дар нишасти Шӯрои олии иқтисодии Иттиҳоди иқтисодии Авруосиё, ки ба ҳайси меҳмон даъват шуда буд, иштирок ва суханронӣ кард.

ВКД-и Тоҷикистон хостори таҳқиқи латтукӯби донишҷӯён шуд

Вазорати корҳои дохилаи Тоҷикистон бо ирсоли барқияе аз мақомоти Русия хостори таҳқиқи латтукӯби донишҷӯён ва "рейд"-и муҳоҷирони тоҷик шудааст.

Вазорат латтукӯби бераҳмонаи сарбозро рад кард, аммо шоҳидон чизи дигар мегӯянд

Вазорати мудофиаи Тоҷикистон бо нашри изҳороте хабари бераҳмона латтукӯб шудани сарбози қаторӣ Маҷидов Аслиддинро аз ҷониби ҳамхизматонаш беасос номид.