Вазорати корҳои дохилаи Тоҷикистон Мамадбоқир Мамадбоқиров ва ҳаммаслаконашро дар Хоруғ ба боздошт ва ҳабси абад таҳдид кард.
15-уми майи соли 2022 Гуфта мешавад, дар ВМКБ аз замони ба қатл расонидани Гулбиддин Зиёбеков, сокини ноҳияи Роштқала дар 25-уми ноябри соли 2021 ва ба дунболи он ҳамоиши эътирозии ин вилоят, ки ба муддати сешабонарӯз дар шаҳри Хоруғ идома кард, ва аз ҷониби мақомот ба хушунат кашида шуд, то кунун вазъият ноором аст. Мақомоти кишвар бо сафар кардани ҳазорҳо нерӯи низомӣ ба ин валоят ва боздошту ба солҳои тӯлонӣ маҳкум кардани афроди саршиноси он фазои тарсу ваҳшатро дар ин минтақа ҷорӣ карда, мехоҳанд мардумро бо зӯри силоҳ аз масири ҳақталабии худ маҳрум намоянд, аммо мардум дар роҳи худ бо субот қадам зада, аз мақомот мехоҳанд, ки он идда аз кормандони мақомот, ки дар қатлу куштор ва замхӣ кардани сокинони вилоят даст доранд, боздошт ва ба панҷаи қонун супорида шаванд.
