6.9 C
Dushanbe

Мақомоти Русия аз камшавии муҳоҷирони корӣ дар Русия нигаронанд

Сурат: аз видео-vestikavkaza.ru

Директори Маркази тадқиқоти муҳоҷират Дмитрий Полетаев гуфтааст, ки дар оянда Русия ба коргарони мавсимӣ муддати дароз ниёз хоҳад дошт.

Ба гуфтаи Дмитрий Полетаев, дар Маскав ва дигар шаҳрҳои калон ҷойҳои муҳоҷирон боқӣ хоҳанд монд, зеро пас аз бекор кардани қарантина, иқтисод ба ҳолати муқаррарӣ бармегардад.

Полетаев дар суҳбат бо “Sputnik Тоҷикистон” гуфтааст, сохтмон, хоҷагии манзилию коммуналӣ, хидматрасонӣ, тозагӣ – ин ҳама ба ҷое нахоҳад рафт ва ҳамзамон дар умури хизматрасонии хаткашонӣ низ ҷойҳои нав пайдо хоҳанд шуд.

“Ҳамин ки иқтисод тадриҷан аз оромии маҷбурӣ бармегардад, ҷойҳои корӣ боз пайдо мешаванд, раванди ҷалби қувваи корӣ ба маркази Русия ва шаҳрҳо идома дорад. Дар берун аз минтақаҳои калони, ба монанди Санкт-Петербург ва Маскав ҷойҳои нав пайдо шудаистодаанд,”- гуфтааст Полетаев.

Ба гуфтаи ин коршинос,

“Ин тамоюл барои 10-15 соли оянда аст, бинобар ин, мо бояд дар мавриди он андеша намоем, ҳатто он муҳоҷирони меҳнатиро, ки ҳоло мо ба онҳо такя карда метавонем, нарасад”.

Дар идома афзудааст, ки ин ҷойҳо барои муҳоҷирони дорои тахассуси пасти меҳнатӣ хоҳанд буд, ки дар он ҷо кори душвор аст  ва аз ин рӯ, онҳо танҳо ба муддате ба он ҷо хоҳанд омад.

Ин коршинос гуфтааст, “вазъи демографӣ талаб мекунад, ки шумораи бештари муҳоҷирони синни қобили меҳнат ҷалб карда шаванд, ки онҳо русиягӣ шуда метавонанд. Ин муқаррарот амалӣ карда мешавад”.

Ин дар ҳолест, ки рӯзи гузашта шаҳрдории Маскав Сергей Собянин аз норасоии муҳоҷирони корӣ изҳори нигаронӣ карда буд. Ба гуфтаи ӯ айни ҳол камшавии нисфи шумораи муҳоҷирон дар кори хадамоти шаҳрӣ, алахусус дар ҷойҳои кории муваққатӣ барои тоза кардани шаҳр ба назар мерасад.

Коҳиши шумораи муҳоҷирон ба бозори меҳнат дар Маскав таъсир расонидааст. Аз ҷумла ба соҳаи манзилию коммуналӣ бештар рабт дорад, чунки дар он коргарони мавсимӣ ҷалб карда мешаванд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Русия ба Тоҷикистон муаллиму китобҳои забони рус мефиристад

Русия махсус барои Тоҷикистон омӯзгорони забони русӣ ва дигар...

Мухолифони Толибон дар Душанбе ҷамъ омаданд

Нишасти 11-уми "Гуфтумони амниятии Ҳирот" бо меҳварияти масоили Афғонистон дар шаҳри Душанбе ба кори худ оғоз кард.

Поёни оташбаси муваққат дар Ғазза ва хостори тамдиди он

Имрӯз, 27-уми ноябр рӯзи охирини оташбаси 4-рӯзаи байни Исроил ва ҲАМОС аст. Эҳтимол меравад он то чанд рӯзи дигар тамдид шавад.

Таҷаммуи эътирозӣ дар Олмон барои озодии Абдуллоҳи Шамсиддин

Гурӯҳе аз ҳамкорони Абдуллоҳи Шамсиддин, писари Шамсиддини Саид, узви аршади ҲНИТ рӯзи 23-уми ноябр бори дигар дар Олмон барои талаби раҳоии ӯ гирдиҳамоӣ карданд.