33.9 C
Dushanbe

Мақомоти Русия мегӯянд, 1,6 млн муҳоҷири ғайриқонунӣ Русияро тарк накардаанд

Шуруъ аз моҳи марти соли гузашта, пас аз оғози пандемияи коронавирус, тақрибан 1,6 миллион муҳоҷир пас аз ба охир расидани асноди будубошашон дар ин кишвар Русияро тарк накардаанд. Дар ин бора ба ТАСС аз маркази матбуоти Вазорати корҳои дохилии Русия иттилоъ медиҳд.

“Дар давраи аз 15 марти соли 2020 то имрӯз, тақрибан 1,6 миллион шаҳрванд мӯҳлати будубошашон дар Федератсияи Русия ба охир расида ва дар қайди Вазорати корҳои дохилии Русия дар бораи ихроҷашон аз ин кишвар маълумот набуд. Чораҳои андешида имкон доданд, ки вазъи ҳуқуқии тақрибан 400 ҳазор нафар ба танзим дароварда шавад. “, – гуфт манбаи ТАСС.

Дар моҳи апрели соли 2020 Президенти Русия Валидимир Путин фармоне содир кард, ки бар асоси он ҳама шаҳрвандони хориҷӣ ҳақ пайдо карданд, ки бо вуҷуди ба охир расидани асноди будубош муваққатан дар қаламрави Русия иқомат ва кор кунанд.

Ғайр аз ин, ба хориҷиёне, ки муддати тӯлонӣ дар Русия дар ҳолати ғайриқонунӣ қарор доштанд, имконият дода шуд, ки аз асноди худро расмӣ намуда вазъи ҳуқуқии худро ба танзим дароранд. Фармони мазкур то 15 июни соли равон тамдид карда шуд.

Моҳи апрели соли равон муовини вазири корҳои дохилии Русия Александр Горовой зимни суханронӣ дар ҷаласаи Ассамблеяи байнипарлумонии кишварҳои ИДМ аз намояндагони кишварҳои ИДМ хост, ки вазъи ҳуқуқии муҳоҷирони ғайриқонунии кишварҳояшонро ба танзим дароранд ва ё онҳоро аз ин кишвар берун кунанд. Ӯ гуфта буд, ки дар ғайри ин сурат баъд аз 15 июн маҷбур мешавад ин муҳоҷиронро аз Русия ихроҷ кунанд.  

Горовой инчунин таъкид карда буд, ки нисбати шаҳрвандони кишварҳои ИДМ, ки дар қаламрави Русия ғайриқонунӣ ҳастанд, то 15 июн барои вайрон кардани режими муҳоҷират ягон қонун татбиқ карда намешавад.

Мақомоти Руия шаҳрвандони ғайриқонунии Тоҷикистонро 247 ҳазор гуфта буданд. Расонаҳои Русия менависанд, ки марказҳои муҳоҷират дар Русия аз муҳоҷирон пур шудааст. Таҷаммӯи онҳо ба хотири то 15 июн тартиб додани аснодашон дар назди ин марокизи Хадамоти муҳоҷират хеле зиёд шудааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Анҷумани иқтисоди рақамии СҲШ дар шаҳри Тянҷзини Чин

Дар чаҳорчӯби Анҷумани иқтисоди рақамии Созмони ҳамкории Шанхай (СҲШ) дар шаҳри Тянҷзини Чин ҷаласаи пӯшидаи вазирони иқтисодии кишварҳои узви ин созмон баргузор гардид.

Боздошти як омӯзгори забони англисӣ дар Душанбе бо иттиҳоми рафтори ғайриахлоқӣ

Раёсати корҳои дохилии шаҳри Душанбе хабар дод, ки як марди 50-сола бо иттиҳоми рафтори ғайриахлоқи ба як гурӯҳ духтарони ҷавон боздошт шудааст.

Чаро мақомот дар бораи хабари ихроҷи муҳоҷирони афғонистонӣ хомӯшанд?

Масъулини муҳоҷирони афғонистонӣ дар Душанбе хабари ихроҷи шаҳрвандони Афғонистон аз Тоҷикистонро рад карданд.

Боздошти ду тоҷикистонӣ бо гумони ба асорат гирифтани ҳамватани худ

Мақомоти Русия хабар доданд, ки ду шаҳрванди Ҷумҳурии Тоҷикистон бо гумони ба асорат гирифтан ва латтукӯби як ҳамватани худ боздошт шудаанд.