26.9 C
Dushanbe

Меҳмоншоҳ Шарифов: фасоду дуздӣ аз хусусиятҳои аслии ҳукуматҳои ду сӯи Омуст

Меҳмоншоҳ Шарифов, донишманди тоҷик дар саҳифаи

Акс аз саҳифаи Фейсбуки Меҳмоншоҳ Шарифов

Ин донишманди тоҷик мегӯяд, ки Толибон дар риояи ҳуқуқу озодиҳои шаҳрвандон демократитар аз “демократ”-ҳои Тоҷикистонанд.

“Дар қаламрави “демократия” солҳо боз аз тарс касе эътироз намекунад, вале дар қаламрави Толибон қамчиншап шаванд ҳам, гӯё осонтар аст барои ҳуқуқҳои худ овоз баланд кардан. Ҳатто дар фарқият аз ин “демократҳо” баъзан Толибон шарм ҳам мекунанд инсонеро барои танқиди озод муҳокима карда бошанд.”, менависад ӯ.

Ба андешаи ин донишманди тоҷик дар шакл гирифтани чунин ҷомеаҳо инсонҳо гунаҳкоранд на низомҳо. Ӯ дар интиқоди низоми толибонӣ ва “демократия”-и тоҷикистонӣ мегӯяд, “ҳар ду бархоста аз фарҳанги музофотии маҳдуд ва номуваффақанд;

Ҳар ду фикри мустақил ва созанда надоранд ва аз фалсафа ва сиёсат дуранд ва наметавонанд ҳаёти лучи мардумро бо як шакли солими ҳаёт пӯшонидан…;

Ҳар ду сиёсати берун кардани дигарон, ба хусус тоҷикро аз фазои сиёсӣ пеш гирифтаанд.”

Ӯ мегӯяд, фасод, дуздӣ ва дурӯғ, ки дар ҷаҳл реша доранд, аз хусусиятҳои бунёдии ин ҳукуматҳост. Ва “фасод бо террор ва хушунат дасти ба даст мераванд.”

Ёдовар мешавем, ки мақомоти шуъбаи ВКД дар шаҳри Ваҳдат 3-юми феврал Шоҳида Маҳмадҷонова, модари блогери тоҷик Шерзод Маҳмадҷонов маъруф бо номи “Абдураҳмон-09”-ро бедалели возеҳе боздошт кард ва то шоми 8-уми феврал аз макони нигаҳдории ӯ ба наздиконаш чизе намегуфт. Дар пайи боздошти ин зани тоҷик аксари фаъолони ҷомеаи шаҳрвандӣ ва корбарони шабакаҳои иҷтимоӣ вокуниш намуда, баъзеҳо онро таҳқири зан ва модари тоҷик аз ҷониби нерӯҳои интизомии кишвар унвон карданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Афзоиши муҳоҷирати тоҷикон ба ИМА

Сафорати Иёлати Муттаҳидаи Амрико дар Тоҷикистон мегӯяд, ки судури раводиди муҳоҷиратӣ барои тоҷикистониҳоро афзоиш додааст.

Нишасти Шӯрои олии иқтисодии Иттиҳоди Авруосиё

Эмомалӣ Раҳмон дар нишасти Шӯрои олии иқтисодии Иттиҳоди иқтисодии Авруосиё, ки ба ҳайси меҳмон даъват шуда буд, иштирок ва суханронӣ кард.

ВКД-и Тоҷикистон хостори таҳқиқи латтукӯби донишҷӯён шуд

Вазорати корҳои дохилаи Тоҷикистон бо ирсоли барқияе аз мақомоти Русия хостори таҳқиқи латтукӯби донишҷӯён ва "рейд"-и муҳоҷирони тоҷик шудааст.

Вазорат латтукӯби бераҳмонаи сарбозро рад кард, аммо шоҳидон чизи дигар мегӯянд

Вазорати мудофиаи Тоҷикистон бо нашри изҳороте хабари бераҳмона латтукӯб шудани сарбози қаторӣ Маҷидов Аслиддинро аз ҷониби ҳамхизматонаш беасос номид.