-3.1 C
Dushanbe

ВКД аз кушта шудани 8 нафар ва боздошти 70 нафар хабар дод

Вазорати корҳои дохилаи Тоҷикистон бо нашри баёнияи расмӣ аз кушта шудани 8 нафар ва захмӣ шудани 11 сокини ноҳияи Рӯшони Вилояти Мухтори Кӯҳистони Бадахшон хабар дод.

Ҳамчунин дар изҳороти ВКД аз боздошти беш аз 70 нафар аз сокинони ин ноҳия низ хабар дода мешавад.  

Вазорати корҳои дохила мегӯяд, беш аз 200 нафар аз сокинони ноҳия ба корвони мошинҳои “таъиноти махсуси зиддитеррористии КДАМ” ҳамла намуда, бар асари он 1 афсар ба ҳалокат расида, “13 нафар хизматчиёни ҳарбӣ ҷароҳатҳои вазнин бардоштанд.”

Ин ниҳоди давлатӣ дар изҳороти расмияш аз сокинони ноҳияи Рӯшон “гурӯҳҳои муташаккили ҷиноятӣ” ном бурда, таҳдид кардааст, ки силоҳҳои худро ба мақомот бисупоранд ва дар акси ҳол ба қавли ин ниҳод, “фардо дер мешавад.”

Дар изҳорот гуфта мешавад, айни замон вазъият дар Рӯшон ором аст ва инфрасохтори иҷтимоӣ ва нақлиёти ҷамъиятӣ ба кори муқарарӣ машғуланд ва сокинони ноҳия ба фаъолияти рӯзмарраи худ оғоз карданд.

Аммо баъзе манобеъ мегӯянд, вазъият ором нест ва мардум дар як ҳолати тарсу ваҳшат ба сар мебаранд.

Дар ҳамин ҳол Вазорати мудофиаи Тоҷикистон низ хабари суқути чархболи низомӣ дар ноҳияи Рӯшони Вилояти Мухтори Бадахшонро рад кард.

Дафтари матбуоти Вазорати мудофиа худ чизе нашр накардааст, аммо АМИТ “Ховар” бо истинод аз ин вазорат хабарро нашр кардааст.

“Вазорати мудофиаи Ҷумҳурии Тоҷикистон оид ба паҳн гардидани хабарҳо дар сомонаҳои иҷтимоӣ вобаста ба амалиёти муштараки мақомоти ҳифзи ҳуқуқ дар ВМКБ, ки гӯё зимни он як чархболи низомии Тоҷикистон дар Рӯшон суқут кардааст, изҳор медорад, ки ин маълумот ягон асоси воқеӣ надорад”, — омадааст дар изҳороти вазорат.

Ёдовар мешавем, ки субҳи имрӯз, 18-уми май дар шабакаҳои иҷтимоӣ хабаре аз суқути чархболи низомӣ дар ноҳияи Рӯшон нашр шуд. Ба қавли шоҳидон чархбол бо мушаке сарнагун гашта, ки аз ҷониби Афғонистон партоб шудааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Аз Насимҷон Шарифов то ҳол хабаре нест

Бо гузашти се рӯз аз Насимҷон Шарифов, намояндаи Ҳаракати...

Мудири шуъбаи “Қаряи Боло” боздошт шуд

Мудири шуъбаи беморхонаи "Қаряи Боло"-и пойтахт бо иттиҳом даст доштан дар тасарруфи беш аз 70 ҳазор сомонӣ боздошт шудааст.

Як сарбози амрикоӣ дар назди сафорати Исроил худро оташ зад

Рӯзи якшанбе, 25-уми феврали соли ҷорӣ як сарбози нерӯҳои ҳавоии Амрико дар назди сафорати Исроил дар Вашингтон худро оташ зад.

Музокироти пинҳонии Тоҷикистон бо Толибон

Мақомоти Тоҷикистон бо намояндаҳои Толибон ба сурати пинҳонӣ дар шаҳри Душанбе мулоқот кардаанд.