Агентии назорати давлатии молиявӣ ва мубориза бо коррупсияи Ҷумҳурии Тоҷикистон аз боздошти мудири Муассисаи давлатии таълимии томактабии рақами 23 – и шаҳри Бохтар Сафарова Латофат Саъдиевна хабар дод, ки номбурда ба гирифтани ришва дар ҳаҷми 49 ҳазору 300 сомонӣ муттаҳам мешавад.
Бино ба иттилои сомонаи Агентӣ Сафарова Латофат Саъдиевна бо роҳи фиреб ба боварии шаҳрванд Раджабова Д.А. даромада барои дохил намудани ҷиянаш Раҷабов И.Ф ба Донишгоҳии тиббии Тоҷикистон аз моҳи июни соли 2019 то моҳи декабри соли 2020 дар се ҳолат маҷмӯан 49 ҳазору 300 сомонӣ маблағ гирифта, вале ваъдаашро иҷро накардааст.
Ҳоло нисбати Сафарова Л.С. бо моддаи 247 қисми 4 банди “б” Кодекси ҷиноятии Ҷумҳурии Тоҷикистон парвандаи ҷиноятӣ оғоз гардида, ба суд ирсол гардидааст.
Коршиносон сабаби афзоиш ришава ва фасодро дар Тоҷикистон дар даст доштани мансабдорони тоҷик ба ин амал мебинанд. Солона даҳҳо мансабдори тоҷик бо шумумли кормандони баландпояи мақомоти судӣ ва худи Агентии коррупсия бо иттиҳоми ришва дастгир мешавад.
