25.9 C
Dushanbe

Дар Тоҷикистон маоши омӯзгорон 20 дарсад афзоиш ёфт

Тибқи фармони Эмомалӣ Раҳмон шуруъ аз 1-уми июли соли ҷорӣ маоши кормандони мактабҳои миёна ва дигар муассисаҳои соҳаи маориф ва илм, инчунин соҳаи фарҳанги кишвар то 20 дарсад афзоиш меёбад.

Тавре АМИТ “Ховар” хабар медиҳад, бо як фармони Раисҷумҳури кишвар “аз 1 июли соли 2022 ҳадди ақали музди меҳнат барои тамоми соҳаҳои иқтисодиву иҷтимоии ҷумҳурӣ ба андозаи 600 сомонӣ дар як моҳ муқаррар карда шуда, маоши вазифавии кормандони соҳаҳои буҷетӣ 20 фоиз зиёд карда мешавад.”

Гуфта мешавад, афзоиши 20-дарсадии маошҳо тамоми кормандони буҷетии кишвар, аз кормандони мақомоти болоӣ то идрорпулии донишҷӯёнро дар бар мегирад.

Дар хабар гуфта мешавад, ки андозаи нафақаи ятимон ва ноболиғон, ки бинобар маҳрум шудан аз саробон ба онҳо дар асоси қонунҳои амалкунандаи кишвар “нафақа таъйин ва пардохт мегардад, ба андозаи 25 фоиз аз андозаи ҳадди ақалли нафақаи аз рӯи синну сол муқарраргардида зиёд гардид.”

Дилмурод Давлатзода, сардори Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон дар суҳбат ба “Ховар” иттилоъ дода, ки “теъдоди умумии нафақагирон дар ҷумҳурӣ то оғози соли равон 749 ҳазору 817 нафарро ташкил медиҳад, ки аз ин шумора 157 ҳазору 779 нафар нафақагирони маъюб мебошанд.”

Бино ба гуфтаи сардори Агентии суғуртаи иҷтимоии кишвар “Аз шумораи умумии маъюбон 16 891 нафарро маъюбони гурӯҳи якум, 75 640 нафарро маъюбони гурӯҳи дуюм ва 33 445 нафарро маъюбони гурӯҳи сеюм ташкил медиҳанд. Шумораи маъюбон аз овони кӯдакӣ то 18-сола дар ҷумҳурӣ 31 803 нафарро ташкил медиҳад.”

Шаҳрвандони кишвар, ба хусус пиронсолоне, ки бознишаста ҳастанд, ҳамеша шикоят мекунанд, ки ҳуқуқи онҳо ба таъхир ва баъзан дар чанд моҳ як маротиба дода мешавад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон: 8 миллиард барои обу ҳаво

Кумитаи ҳифзи муҳити зисти Тоҷикистон ва Бонки Осиёии Рушд...

Боздошти Шокирҷон Ҳакимов, муовини раиси ҲСДТ

Шокирҷон Ҳакимов, муовини якуми раиси Ҳизби сотсиал-демократи Тоҷикисон аз...

Боздошти марди 59-солаи тоҷикистонӣ дар Олмон ба иттиҳоми қатли ҳамсар

Мақомоти олмонӣ як марди 59-солаи тоҷикистониро бо иттиҳоми қатли ҳамсараш боздошт кардаанд.

Баъди латукӯби сарбоз раиси суди ноҳияи Шамсиддин Шоҳин аз вазифа барканор шуд

Раиси суди ноҳияи Шамсиддин Шоҳини вилояти Хатлон, ки як сарбозро латукӯб карда буд, аз вазифа барканор шуд.