26.9 C
Dushanbe

Мардум барои гирифтани воксин мераванд, вале воксин нест

Сокинони вилояти Суғд аз он шикоят доранд, ки ду рӯз боз ба назди дармонгоҳҳои вилоят барои гирифтани воксин мераванд, вале масъулони дармонгоҳҳо ба онҳо мегӯянд, ки воксин тамом шудааст.

Ба гуфтаи масъулон воксини зидди коронавирус дар вилоят тамом шудааст ва онҳо мунтазиранд, ки кай вояҳои нав аз марказ мерасад.

Бино ба навиштаи “Азия-Плюс” Маркази иммунопрофилактика низ таъйид карда, ки захираи воксинҳо дар вилоят тамом шудааст.

Таҷаммӯи мардум дар назди дармонгоҳҳо ва соатҳо навбатпоӣ барои гирифтани воксини зидди коронавирус дар ҳоле суръат гирифтааст, ки Ситоди ҷумҳуриявӣ дар мариди пешгирӣ аз паҳншавии COVID-19 дар кишвар расман 21 июн аз мавҷи дигарбораи ин беморӣ хабар дод.

Гуфта мешавад, дар вилояти Суғд танҳо воксини “Астразенека” ба шаҳрвандон тазриқ мешуд.

“Директори Филиали Маркази ҷумҳуриявии иммунопрофилактика дар вилояти Суғд, Ҷаннатой Набиева субҳи 30-уми июн ба “Азия-Плюс” гуфт, ки дар амборҳои ин муассиса воксинаи “Астразенека” барои эмгузаронӣ боқӣ намондааст. Ӯ гуфт, рӯзе пеш танҳо 600 воя воксина боқӣ монда буд, ки ба эҳтимоли зиёд субҳи имрӯз тамом шудааст. Ба гуфтаи ӯ, дар марҳилаи аввал зиёда аз 32 ҳазор воя ваксинаи “Астразенека” ворид шуда буд ва кормандони соҳаи тандурустӣ, гуруҳҳои осебпазири аҳолӣ ва шахсони аз 60- сола боло тазриқ шуданд”, омадааст дар хабар.

Ёдовар мешавем, ки то имрӯз ба Тоҷикистон дар чорчӯби барномаи COVAX 192 ҳазор воя воксини “Астразенека” ва 300 ҳазор воя воксини “КоронаВак”-и чинӣ ворид шудааст. Тибқи иттилои ахири Вазорати тандурустии кишвар наздик ба 300 ҳазор шаҳрванд воксин гирифтаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Афзоиши муҳоҷирати тоҷикон ба ИМА

Сафорати Иёлати Муттаҳидаи Амрико дар Тоҷикистон мегӯяд, ки судури раводиди муҳоҷиратӣ барои тоҷикистониҳоро афзоиш додааст.

Нишасти Шӯрои олии иқтисодии Иттиҳоди Авруосиё

Эмомалӣ Раҳмон дар нишасти Шӯрои олии иқтисодии Иттиҳоди иқтисодии Авруосиё, ки ба ҳайси меҳмон даъват шуда буд, иштирок ва суханронӣ кард.

ВКД-и Тоҷикистон хостори таҳқиқи латтукӯби донишҷӯён шуд

Вазорати корҳои дохилаи Тоҷикистон бо ирсоли барқияе аз мақомоти Русия хостори таҳқиқи латтукӯби донишҷӯён ва "рейд"-и муҳоҷирони тоҷик шудааст.

Вазорат латтукӯби бераҳмонаи сарбозро рад кард, аммо шоҳидон чизи дигар мегӯянд

Вазорати мудофиаи Тоҷикистон бо нашри изҳороте хабари бераҳмона латтукӯб шудани сарбози қаторӣ Маҷидов Аслиддинро аз ҷониби ҳамхизматонаш беасос номид.