-3.1 C
Dushanbe

Марги як сокини Роштқалъа ҳангоми бозпурсӣ дар Хоруғ

Рӯзи 6-уми июли соли ҷорӣ дар шуъбаи Вазорати корҳои дохилӣ дар шаҳри Хоруғ сокини деҳаи Бидизи ноҳияи Роштқалъа Абдураҳим Гулобови 66-сола даргузашт.

Бино ба иттилои манобеи “Pamir Daily News” Гулобов ҳангоми бозпурсӣ дар ин шуъба ҷон додааст.

Ин сокини ноҳияи Роштқалъа ҳамроҳи писараш Муталиб аз ҷониби кормандони ВКД боздошт шуда буд. Мақомоти интизомӣ онҳоро ба он муттаҳам карданд, ки гӯё онҳо дар хонаашон милтиқи шикорӣ доштаанд.

Гуфта мешавад, бо вуҷуди таъйид нашудани ин иттиҳом, мақомот фишорро болои Абдураҳим Гулобов идома додаанд, ки дар натиҷа ӯ ба ҳалокат расидааст. Ба эҳтимоли зиёд ин сокини Роштқалъа ҳангоми бозпурсӣ аз ҷониби кормандони ШВКД дар Хоруғ мавриди шиканҷа қарор гирифтааст.

Ба иттилои “Pamir Daily News” мақомот пайвандон ва наздикони Гулобовро таҳдид доранд, ки бо рӯзноманигорон суҳбат накунанд ва маълумоте дар ин бора надиҳанд.

Писараш Мутолибро барои иштирок дар маросими дафн муваққаатан озод карданд ва гуфтаанд, ки пас аз ду рӯз боз ба ШВКД дар Хоруғ баргардад.

Бо пайдо шудани маълумоти нав хабар такмил мешавад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Аз Насимҷон Шарифов то ҳол хабаре нест

Бо гузашти се рӯз аз Насимҷон Шарифов, намояндаи Ҳаракати...

Мудири шуъбаи “Қаряи Боло” боздошт шуд

Мудири шуъбаи беморхонаи "Қаряи Боло"-и пойтахт бо иттиҳом даст доштан дар тасарруфи беш аз 70 ҳазор сомонӣ боздошт шудааст.

Як сарбози амрикоӣ дар назди сафорати Исроил худро оташ зад

Рӯзи якшанбе, 25-уми феврали соли ҷорӣ як сарбози нерӯҳои ҳавоии Амрико дар назди сафорати Исроил дар Вашингтон худро оташ зад.

Музокироти пинҳонии Тоҷикистон бо Толибон

Мақомоти Тоҷикистон бо намояндаҳои Толибон ба сурати пинҳонӣ дар шаҳри Душанбе мулоқот кардаанд.