-2.1 C
Dushanbe

Марзи Тоҷикистон бо Узбекистон ҳамоно баста боқӣ мемонад

Сурат: litetrip.ru

Вазорати корҳои хориҷии Тоҷикистон хабар додааст, ки то имрӯз ҳеҷ тасмиме аз ҷониби Ситоди ҷуҳуриявии мубориза бо каронавирус дар Тоҷикистон, дар мавриди боз гардидани марзҳо байни Тоҷикистону Узбекистон гирифта нашудааст.

Дар ин ибора хабаргузории “Asia-Plus” бо такя ба манбааш аз ин ниҳод хабар медиҳад.

Манбаъ гуфтааст:

“Мо ҳамагӣ, дирӯз иттилоияи расмиро аз Узбекситон, ки ҳадаф доранд марзро боз кунанд, дарёфт кардем. Мо мактбуро ба Ситоди ҷумҳурявии пешгирӣ аз паҳншавии коронавирус равон кардем. То ҳол  посухи ситодро нагирифтаем”.

Дар идома иброз доштааст, ки  тасмим аз ҷониби Ситоди ҷумҳуриявӣ аст, зеро шароити ворид ва хориҷ гардидани шаҳрвандонро дар марзҳо онҳо муайян мекунанд ва маҳдудиятҳоро ҷорӣ менамояед.

Рӯзи 1 октябр Ҷумҳурии Узбекистон марзҳояшро бо шароит ва талаботи беҳдоштӣ бо ҳамаи кишварҳо кушод.

Ҳамчунин дар гузаргоҳи марзии “Дӯстӣ” ба “Asia-Plus” гуфтаанд, танҳо шумори хеле ками одамон марзро гузаштаанд.

Ба гуфтаи манбаи “Asia-Plus” аз гузаргоҳи “Дӯстӣ”

“Ба Узбекистон ҳамагӣ чанд нафарро ба далели ҳаводисе, ки дар хонаводаашон иттифоқ уфтодааст иҷозаи вуруд додаанд. Ба Тоҷикистон бошад автобуси ҳомили донишҷӯёни узбекистоние, ки дар донишгоҳу донишкадаҳои мо мехонанд, ворид шуд”.

Ҳамчунин дар гузаргоҳи марзӣ гуфтаанд, марзҳо кушодаанд, вале баъди 11 октябр, баъди интихоботи президетии Тоҷикистон сокинон бемонеа метавонанд равуо кунанд.

Хабарнигорони Радиои Озодӣ низ аз чанд гузаргоҳои марзӣ гузориш доданд, ки марзро танҳо шаҳрвандоне убур карда метавонанд, ки бо шаҳрвандони  Узбекистон ақди никоҳ дошта бошанд, ё  шаҳрвандони Тоҷикистон, ки дар Узбекистон қарор доранд, метавонанд озодона ба кишвар баргарданд.

Барои мошинҳои боркаши дорои рақамҳои Русия низ убури мар иҷозат будааст. Агар ронанда шаҳрвандии Тоҷикистонро дошта бошад, метаовнад ба Тоҷикистон ворид шавад.

Чанде қабл Ситоди мубориза бо каронавируси Узбекистон шарти ворид шудан ба ин кишварро эълон карда буд, нафароне, ки аз Тоҷикистон ба ин кишвар ворид мешаванд, аз “минтақаи сурх” буда бояд, бо худ маълумотнома то 72 соат пеш дар мавриди надоштани бемории каронавирус дота бошанд, илова бар ин, 14 рӯз ба қартина фаро гирифта мешаванд. Дар сурати надоштани маълумотнома дар ташхисгоҳҳои марзӣ аз ҳисоби худ, аз ташхис мегузаранд, ки маблағаш 20 долар буда, пас аз 10 дақиқа омода мешудааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Толибон: Аҳмади Масъуд бо Иморати исломӣ байъат кардааст

Толибон мегӯянд, ки Аҳмади Масъуд, раҳбари ҷабҳаи муқовимати миллии Афғонистон бо Иморати исломӣ байъат кардааст.

Тасдиқи бемории Мамадшоева дар зиндон

Улфатхоним Мамадшоева, рӯзноманигор ва фаъоли зодаи Вилояти Мухтори Кӯҳистони Бадахшон дар зиндон аз фишорбаландӣ азият мекашад.

Бобаки Занҷонӣ баъди 10 сол озод мешавад

Бобаки Занҷонӣ, миллардер ва тоҷири шинохтаи эронӣ, ки бо иттиҳоми напардохтани беш аз 2 миллиард евро дар Теҳрон боздошт ва зиндонӣ шуда буд, озод хоҳад шуд.

Раиси Додгоҳи ноҳияи Ҷаббор Расулов бо кадом ҷурм зиндонӣ шуд?

Агентии зидди фасоди Тоҷикистон мегӯяед, раиси Додгоҳи ноҳияи Ҷаббор Расулов бо иттиҳоми гиирфтнаи пора дар ҳаҷми калон боздошт ва равонаи зиндон шуд.