18.9 C
Dushanbe

Маскав аз пирӯзияш дар ҳамапурсии минтақаҳои Украина хабар дод

Натиҷаҳои пешакии ҳамапурсӣ барои пайвастан ба Руся дар минтақаҳои Запороже, Херсон ва Луганску Донетск дар ҷануб ва шарқи Украина нишон медиҳад, ки аксари интихобкунандагон раъйи мусбат додаанд.

Акс аз гузориши “РИА Новости”

Ба гузориши расонаҳои русӣ, Комиссияи интихоботие, ки дар Запароже таъсис дода шуда буд, рӯзи сешанбе хабар дод, ки тибқи натиҷаи шумориши оро 97,81 дарсади мардум барои пайвастани ин минтақа ба Русия раъйи мусбат додаанд.

Ҳамзамон мудирияти дастнишондаи Маскав дар минтақаи ишғолии Херсон низ мегӯянд, пас аз шумориши тамоми оро маълум шуда, ки 96,75 дарсади раъйдиҳандагон ба пайвастани ин минтақа ба Русия раъйи мусбат додаанд.

Инчунин ба гуфтаи масъулони Комиссияи интихоботӣ, дар минтақаи ҷудоихоҳи Луганск 97,93 дарсад ва дар минтақаи Донетск 98, 69 дарсади раъйдиҳандагон аз пайвастан ба Русия ҷонибдорӣ кардаанд.

Аммо пас аз эълони ин хабар Киев ва кишварҳои ғарбӣ вокуниш нишон дода онро ғайриқонунӣ хонданд.

Дабири кулли НАТО Столтенберг Йенс рӯзи сешанбе эълон кард, ки ҳамапурсиҳои “сохтагӣ”-и Русия дар минтақаҳои Украина ғайриқонунӣ буда ва нақзи ошкори қавонини байналмилалӣ аст. Дабири кулли НАТО аз пуштибонии қавии худ аз ҳукумати Киев хабар дод.

Ҳамчунин Петер Стано, сухангӯи масъули сиёсати хориҷии Иттиҳодияи Аврупо рӯзи сешанбе эълом кард, ки баргузории ҳамапурсӣ дар минтақаҳои ишғолшудаи Украина барои пайвастан ба Русия ғайриқонунӣ аст ва ҳама афроде, ки дар созмондиҳии он ширкат доштанд, шомили таҳрим мешаванд.

Дар ҳамин ҳол хадамоти истихборотии Бритониё иттилоъ медиҳанд, ки қарор аст рӯзи ҷумъаи оянда Владимир Путин, расиҷумҳури Русия дар Кремлин суханронӣ кунад ва интизор меравад, ки пайвастани ин минтақаҳои Украинаро ба Русия расман эълон кунад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гумонбарон дар қатли занҷираии Конибодом боздошт шуданд?

Мақомот гумонбарон дар қатли занҷираӣ дар шаҳри Конибодоми вилояти Суғдро боздошт кардаанд.

Ҳушдори КҲФ аз омадани сел дар баъзе манотиқ кишвар

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба сокинон ва меҳмонони кишвар аз эҳтимоли омадани сел дар чанд ноҳияи кишвар ҳушдор медиҳад.

Боздошти Усмонзода бо иттиҳоми ғасби ҳокимият

Дахлнопазирии вакили парлумони кишвар Саидҷаъфар Усмонзода бекор ва худи ӯ ба ҳабси пешакӣ гирифта шуд.

“Карим”-ро аз Русия ихроҷ карданд

Мақомоти Русия варзишкори тоҷик ва қаҳрамони ду вазни созмони "Hardcore MMA" Фазлиддин "Карим" Мадраҳимовро аз ин кишвар ихроҷ карданд.