Кормандони Маркази назорати давлатии санитарию эпидемологии шаҳри Хуҷанд, дар натиҷаи гузаронидани рейд дар бозорҳо ва марказҳои савдо ошхонаву тарабхонаҳо муайян кардааст, ки қойдаҳои беҳдоштии пешгирӣ аз каронавирӯс умуман риоя намешаванд.
Бино ба иттилои сомонаи Раиси шаҳри Хуҷанд, Маркази назорати давлатии санитарию эпидемологии шаҳри Хуҷанд дар бозору марказҳои савдо, ошхонаву муассисаҳои хӯроки умум, санҷиш гузаронд, маълум гардид, ки дар ин маконҳо талаботи беҳдоштӣ риоя намегардидааст.
“Дар ин мавзеъҳо бидуни санҷидани таб, фосилаи иҷтимоӣ, набудани монеаи дизенфексионӣ фаъолият мекунанд”, - навиштааст сомонаи Раиси шаҳри Хуҷанд.
Дар натиҷаи санҷиш муайян карда шудаааст, ки аз маъмурият то хизматрасонҳо дар марказҳои хӯроки умум бидуни ниқоб хизматрасониашонро ба роҳ монда, омили асосии хатари сирояти беморӣ ба мизоҷон мегарданд.
Дар хабар гуфта мешавад, ки то ҳол дар бозорҳо барои пешгирии паҳншавии каронавирус фосилаи байни ҳамдигар риоя нашуда, савдои кӯчагӣ дар роҳравҳо низ ташкил шудаанд, ки берун аз назорати масъулини дахлдор қарор гирифтааст.
Ҳамчунин аз ҳолати паст ва риоя нагардидани сихкабобҳое, ки дар бозороҳову роҳравҳо ба фурӯш гузошта шуда нигаронӣ намуда, инро бе тафовутии масъулини бозорҳо ва ва соҳибони ин марказҳои хизматрасонӣ унвон намудааст.
Вале дар мавриди ҷарима гардидани соҳибкорон чизе гуфта нашудааст. Чанд моҳ қабл дафтари матбуоти раиси Вилояти Суғд хабар дода буд, ки дар натиҷаи гузаронидани рейд 50 нафар соҳибкорон ва сокинони бениқобро ҷарима карда буданд.
Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp , Viber ва Imo ба ин рақам: +48519767404 бифиристед.