35.9 C
Dushanbe

Маҷидов соҳиби медали нуқра шуд

Ҷаҳонгир Маҷидов, паҳлавони тоҷик, дар Ҷоми Аврупо оид ба ҷудо байни калонсолон медали нуқра ба даст овард.

Бино ба иттилои Кумитаи миллии олимпии Тоҷикистон, ин мусобиқа рӯзҳои 7-8 августи соли ҷорӣ дар шаҳри Оренбурги Федератсияи Русия баргузор шуд.

Гуфта мешавад, Ҷаҳонгир Маҷидов, ки дар мусобиқа дар вазни то 90 кг рақобат мекунад, дар нахустин қувваозмоияш зодаи Тоҷикистон Ёқубҷон Назировро, ки Русияро намояндагӣ мекунад, шикаст дод.

Дар чорякфинал Маҷидов нисбат ба Эмил Қурбонови рус қавитар баромада, дар нимфинал бар варзишгари дигари Русия Адам Утиев ғалаба намуд.

Дар қувваозмоии ниҳоӣ Ҷаҳонгир Маҷидов аз намояндаи Русия Мирзо Шикориев, ки зодаи Тоҷикистон аст шикаст хӯрд ва бо медали нуқра сарфароз гашт.

Ду паҳлавони дигари тоҷик – Алиҷон Сафаралиев ва Амирҷони Насимҷон ҷойҳои 7 -умро соҳиб шуданд. Дар маҷмӯъ, дар Ҷоми Аврупо дар Оренбург 197 варзишгар (130 мард ва 67 зан) аз 14 кишвар ширкат доштанд.

Тоҷикистонро дар ин мусобиқаи байналмилалӣ 8 гуштигир – Давлаталӣ Назаралиев, Алиҷон Сафаралиев, Маҳмудҷон Раҳимов, Ҳақназар Назаров, Хушвақт Идиев, Ҷаҳонгир Маҷидов, Амирҷони Насимҷон ва Абубакри Акобир намояндагӣ карданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мишустин аз густариши ҳамкориҳои Русия бо Тоҷикистон гуфт

Михаил Мишустин, сарвазири Русия дар суҳбат бо ҳамтои тоҷикаш...

Трамп расман ба даст доштан дар ҷинояти нав муттаҳам шуд

Доналд Трамп, собиқ раисҷумҳури Амрико аз сӯи Вазорати додгустарии ин кишвар дар парвандаи нигаҳдории асноди маҳрамонаи давлатӣ пас аз поёни давраи президентияш муттаҳам мешавад.

Мулоқоти сафири Тоҷикистон бо Додситони кулли Туркия

Ашрафҷон Гулов, домоди Эмомалӣ Раҳмон ва сафири Тоҷикистон дар Туркия, 8-уми июни соли ҷорӣ бо Додситони кулли Туркия Бекир Шоҳин мулоқот карда, ба густариши ҳамкориҳо таъкид кард.

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.