31.9 C
Dushanbe

Месси ба ПСЖ рафт

Лионел Месси ҳамлагари собиқи “Барселона”, расман футболбози “Пари Сен-Жермен” (ПСЖ) шуд. Маоши дусолаи вай дар ин клуб 70 миллион евроро ташкил медиҳад.

ПСЖ” дар бораи гузариши Месси ба ин клуб рӯзи 10-уми август эълон кард.

Қарордоди Месси бо дастаи ПСЖ ба муддати 2 сол бо имкони тамдид ба як мавсими дигар бо маоши 35 миллион евро дар як сол баста шудааст. Дар клуби нав ҳамлагари аргентинӣ таҳти рақами 30 баромад мекунад.

Рафтани Месси аз Барселона сару садоҳои зиёдеро дар расонаҳо ва олами футбол ба бор овардааст. Раёсати Барселона дар рафтани Месси қоидаҳои молиявии чемпионати Испания ва Президенти Ла Лига Хавер Тебасро муттаҳам мекунад.

Аммо худи Тебас дар суҳбат бо расонаҳо ба рафтани Месси “Барселона”-ро айбдор кард ва бо киноя гуфт, ки “ Бе Месси ва бе 270 миллион евро мондан – нақшаи олӣ аст”.

Яъне бо рафтани Месси, Барселона 270 миллион евро даромади худро аз даст хоҳад дод. Аммо ба клуби “ПСЖ” даромади зиёд меоварад.

Дар чанд рӯзи охир шумораи обуначиён дар шабакаҳои иҷтимоии “ПСЖ” афзоиш ёфтааст. Саҳфаи Инстаграмии ин клуб, ки то рӯзи 1-уми август 19.8 миллион обуначӣ дошт, дар ҳоли ҳозир обуначиёни саҳфаи “ПСЖ” ба 43 миллион расид.

Бо гузаштани ҳамлагари аргентинӣ ба “ПСЖ”, газетаи фаронсавии L’Equipe дар муқоваи шумораи нав тасвири Лионел Мессиро ҷойгир кард. Ҳандболбози фаронсавӣ Клеопатра Дарле дар Твиттераш навишт, ки футболбоз Лионел Месси дар муқоваи L’Équipe ҷой дода шудааст, дар ҳоле ки тими миллии занонаи ҳандбол дар Олимпиадаи тобистонаи Токио медали тиллоии таърихиро ба даст овардааст.

Месси тарбиядидаи клуби “Барселона” аст. Вай дар ҳайати асосии даста аз соли 2004 баромад мекард. Якҷоя бо “Барселона” ӯ 35 ҷом ба даст овардааст. Ҳамлагари аргентинӣ шаш маротиба соҳиби “Тӯби тиллоӣ” шудааст. Дар мавсими гузашта ӯ дар 35 бозии чемпионати Испания иштирок намуда, дар он 30 гол ва 9 партофти головар анҷом додааст.

Қарордоди Месси бо Барселона моҳи июли соли ҷорӣ ба анҷом расид. Барселона бинобар қоидаҳои молиявии чемпионати Испания натавонист бо Месси шартномаи нав бандад ва рӯзи 5-уми август, рафтани ҳамлагари худро эълон кард.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Анҷумани иқтисоди рақамии СҲШ дар шаҳри Тянҷзини Чин

Дар чаҳорчӯби Анҷумани иқтисоди рақамии Созмони ҳамкории Шанхай (СҲШ) дар шаҳри Тянҷзини Чин ҷаласаи пӯшидаи вазирони иқтисодии кишварҳои узви ин созмон баргузор гардид.

Боздошти як омӯзгори забони англисӣ дар Душанбе бо иттиҳоми рафтори ғайриахлоқӣ

Раёсати корҳои дохилии шаҳри Душанбе хабар дод, ки як марди 50-сола бо иттиҳоми рафтори ғайриахлоқи ба як гурӯҳ духтарони ҷавон боздошт шудааст.

Чаро мақомот дар бораи хабари ихроҷи муҳоҷирони афғонистонӣ хомӯшанд?

Масъулини муҳоҷирони афғонистонӣ дар Душанбе хабари ихроҷи шаҳрвандони Афғонистон аз Тоҷикистонро рад карданд.

Боздошти ду тоҷикистонӣ бо гумони ба асорат гирифтани ҳамватани худ

Мақомоти Русия хабар доданд, ки ду шаҳрванди Ҷумҳурии Тоҷикистон бо гумони ба асорат гирифтан ва латтукӯби як ҳамватани худ боздошт шудаанд.