16.9 C
Dushanbe

Мирзиёев ба Хуҷанд сафар кард, кадом санадҳо ба имзо мерасад?

Бино ба иттилои дафтари матбуоти Президенти Тоҷикистон, имрӯз Президенти Узбекистон Шавкат Мирзиёев дар идомаи сафари расмияш ба Хуҷанд ташриф бурдааст. Дар ин сафар ӯро Эмомалӣ Раҳмон ҳамроҳӣ мекунад.

Қарор аст дар шаҳри Хуҷанд президентҳо ба чанд санади дигари ҳамкорӣ имзо кунанд. Ҳамчунин вохӯрии президентҳо бо зиёиёни ду кишвар дар Қасри маданияти “Арбоб”-и Хуҷанд ва боздид аз обанбори “Баҳри Тоҷик”, корхонаи “Қолинҳои Суғд” ва намоишгоҳи маҳсулоти кишоварзӣ дар боғи “Ваҳдат” дар назар аст.

Гуфта мешавад, ин аввалин сафари Мирзиёев ба шаҳри Хуҷанд мебошад.

Дар нишастҳои дурӯзаи раҳбарони Тоҷикистону Узбекистон беш аз 30 санадҳои ҳамкорӣ ба имзо расид. Аз ҷумла санадҳо дар мавриди гардиши колову ҳаҷми тиҷорати дутурафа, маориф ва илм, саноат ва энергетика, барқароршавии хатсайрҳои нақлиётии автобусҳо, роҳи оҳан ва ҳавоӣ байни шаҳрҳои ду кишвар, аломатгузории нуқтаҳои марзӣ, тартиби будубоши шаҳрвандони ду кишвар дар қаламрави якдигар ва ғайра ба имзо расиданд.

Пас аз вафоти Ислом Каримов ва ба сари қудрат расидани Шавкат Мирзиёев дар Узбекистон равобити сарди чандсолаи ду кишвар рӯ ба гармӣ овард. Аз ҷумла дар сафари расмии Шавкат Мирзиёев соли 2018 ба Душанбе чандин созишномаҳои муҳим ба имзо расид, ки равобити неки ду кишварро қавитар кард.

Баъди он сафар марзҳо байни ду кишвар боз шуд ва низоми раводид, ки ба даст оварданаш ба осонӣ ҳосил намешуд, аз байн бардошта шуд. Ва шаҳрвандони ду кишвар то 30 рӯз дар қаламрави якдигар бидуни раводид ҳақи будубош пайдо карданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Сарвати пурасрор: Ҳамсари сарвазири Тоҷикистон дар Дубай қасрҳои боҳашамат харидааст

Сарвазири Тоҷикистон ва ҳамсараш ба суолҳо дар бораи он ки чӣ гуна тавонистааст дар кишвари худ ва Имороти Муттаҳидаи Арабӣ соҳиби амволи ғайриманқул шавад, посух надод.

Вазъи муҳоҷирони тоҷик дар Русия беҳтар мешавад?

Владимир Колоколтсев, вазири корҳои дохилии Русия дар пасманзари ҳодисаи хунин дар "Крокус" ба Тоҷикистон омад.

Баррасии масоили иқтисодии Тоҷикистону Туркия

Нишасти навбатии Комиссияи муштараки иқтисодии Тоҷикистон ва Туркия бо ҳузури намояндаҳои ду кишвар баргузор шуд.

Афзоиши шумори Қурбониёни ҳамлаҳои Исроил дар Ғазза

Субҳи рӯзи 28-уми май нерӯҳои исроилӣ урдугоҳҳои оварагон дар қисмати ғарбии шаҳри Рафаҳро ба шиддат бомборон карданд, ки дар натиҷа 16 нафар кушта ва даҳҳо каси дигар маҷруҳ шудаст.