26.9 C
Dushanbe

Михаил Горбачёв, меъмори ислоҳот даргузашт

Рӯзи сешанбе, 30-уми августи соли 2022 охирин раҳбари Иттиҳоди Шӯравӣ Михаил Горбачёв дар умри 92-солагӣ дар бемористони марказии шаҳри Маскав даргузашт.

Ба гузориши расонаҳо, Горбачёв чанд вақти охир бо бемории музмине дасту панҷа нарм мекард ва ӯ то лаҳзаи охир дар бемористон бистарӣ буд.

Михаил Горбачёв ба унвони 8-ум ва охирин раҳбари Иттиҳоди Шӯравӣ дониста мешавад, ки бо барномаи “бозсозӣ”-яш ин иттиҳоди муташаккил аз 15 кишвар барҳам хӯрд.

Горбачёв соли 1985 пас аз сари қудрат омадан, даст ба ислоҳоти иқтисодӣ ва сиёсӣ зад ва мақсади асосияш эҳёи иқтисоди варшикастаи кишвар ва мушкилоти мавҷудаи сиёсӣ буд. Аммо ин барнома соли 1991 мунҷар ба фурӯпошии Иттиҳоди ҷамоҳири Шӯравӣ гардид.

Сиёсатмадорони ҷаҳон ба хотири ин тарҳи бузурги иқтисодӣ ва сиёсияш аз ӯ ба унвони “меъмори ислоҳот” ёд мекунанд.

Замони ҳукмронии Горбачев дар шаҳрҳои Тбилиси, Душанбе, Рига, Боку, Вилнюс ва Алмаато ҳодисаҳои хунине ба вуқуъ пайваст. Ҳангоми саркӯби эътирозҳо дар ин шаҳрҳо мардуми зиёде кушта шуданд.

Душанбе, сентябри соли 1991. Эътирозгарон бо расми Горбачёв – онҳо ба дастгирии ӯ умед карданд, вале баъдан зери тир монданд.

Михаил Горбачёв 2-уми марти соли 1931 дар шаҳри Ставропол ҷануби Русия мутавваллид шудааст. Ӯ соли 1985 ба сари қудрат расид ва 24-уми декабри соли 1991 аз мақомаш истеъфо дод.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мақомоти Русия шаҳрвандони тоҷикро бо ваъдаи пул ба ҷанг даъват мекунанд

Муҳоҷирони кории тоҷики муқими Русия мегӯянд, мақомоти ин кишвар бо роҳҳои гуногун барои онҳо даъватнома фиристода, бо ваъдаҳои зиёди пулӣ онҳоро барои ҷанг ба Украина ҷалб мекунанд.

Афзоиши муҳоҷирати тоҷикон ба ИМА

Сафорати Иёлати Муттаҳидаи Амрико дар Тоҷикистон мегӯяд, ки судури раводиди муҳоҷиратӣ барои тоҷикистониҳоро афзоиш додааст.

Нишасти Шӯрои олии иқтисодии Иттиҳоди Авруосиё

Эмомалӣ Раҳмон дар нишасти Шӯрои олии иқтисодии Иттиҳоди иқтисодии Авруосиё, ки ба ҳайси меҳмон даъват шуда буд, иштирок ва суханронӣ кард.

ВКД-и Тоҷикистон хостори таҳқиқи латтукӯби донишҷӯён шуд

Вазорати корҳои дохилаи Тоҷикистон бо ирсоли барқияе аз мақомоти Русия хостори таҳқиқи латтукӯби донишҷӯён ва "рейд"-и муҳоҷирони тоҷик шудааст.