26.9 C
Dushanbe

Модари Гулбиддин мехоҳад бо Эмомалӣ Раҳмон суҳбат кунад

Певистамо Абдулмуминова, модари Гулбиддин Зиёбеков дар ноҳияи Роштқалъа хостори мулоқот бо Эмомалӣ Раҳмон шудааст.

Имрӯз, 1-уми декбар модари ҷавони 29-солаи бадахшонӣ, ки ҳангоми амалиёти мақомоти интизомӣ дар ноҳияи Роштқалъаи вилояти Бадахшон кушта шуд, дар суҳбат Радиои Озодӣ гуфтааст, ки дар вилоят ба додаш нарасиданд, маҷбур аст арзашро мустақим ба Президент расонад.

Модари Гулбуддин Зиёбеков дар суҳбат бо Радиои Озодӣ гуфтааст:

Қасам ба номи Худо, қасам ба арвоҳи писари навгузаштаам, ки ӯ силоҳ надошт. Вай хидмат ҳам накарда буд, таппончаро намедонист. Бачаи ман ҳатто сигарет накашида буд. Вай ба ягон кас ягон зарар нарасонида буд.”

Гуфтанист, 25-уми ноябр Гулбуддин Зиёбеков тавассути гурӯҳе аз мақомот, ки барои боздошти ӯ рафта буданд, ба гуфтаи мақомот “дар ҳамлаи ҷавобӣ захмӣ шуд”, вале баъдтар маълум шуд, ки ба ҷисми вай 7 тир задаанд ва тири охири ҳам ба пешонаи ӯ расидааст.

Қатли Гулбиддин Зиёбеков мавҷи эътирозҳоро нахуст дар шаҳри Хоруғ, сипас доманаи он то Душанбеву Маскав, Лондону Ню-Йорк ва дигар бузургшаҳрҳои дунё густариш дод ва эътирозгарон ҳама бо як садо мегуфтанд, ки қотилон бояд муҷозот ва хостаҳои мардум бароварда гарданд ва алоқаи мобилӣ ва интернет дар вилоят барқарор карда шавад, вале бо гузашти се рӯз аз пароканда шудани эътирозҳо ҳамоно мақомот ба ваъдаҳои худ амал накардаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Афзоиши муҳоҷирати тоҷикон ба ИМА

Сафорати Иёлати Муттаҳидаи Амрико дар Тоҷикистон мегӯяд, ки судури раводиди муҳоҷиратӣ барои тоҷикистониҳоро афзоиш додааст.

Нишасти Шӯрои олии иқтисодии Иттиҳоди Авруосиё

Эмомалӣ Раҳмон дар нишасти Шӯрои олии иқтисодии Иттиҳоди иқтисодии Авруосиё, ки ба ҳайси меҳмон даъват шуда буд, иштирок ва суханронӣ кард.

ВКД-и Тоҷикистон хостори таҳқиқи латтукӯби донишҷӯён шуд

Вазорати корҳои дохилаи Тоҷикистон бо ирсоли барқияе аз мақомоти Русия хостори таҳқиқи латтукӯби донишҷӯён ва "рейд"-и муҳоҷирони тоҷик шудааст.

Вазорат латтукӯби бераҳмонаи сарбозро рад кард, аммо шоҳидон чизи дигар мегӯянд

Вазорати мудофиаи Тоҷикистон бо нашри изҳороте хабари бераҳмона латтукӯб шудани сарбози қаторӣ Маҷидов Аслиддинро аз ҷониби ҳамхизматонаш беасос номид.