20.9 C
Dushanbe

Муҳоҷиронро “қонунӣ” ба ҷанг мефиристанд?

Вакили парлумони Русия аз Ҳизби коммунистӣ Михаил Матвеев тарҳи қонунеро дар бораи фиристодани муҳоҷирон ба ҷанги Украина ба Дума пешкаш кард. 

Ба иддаои Матвеев, ин қонун пешнищод мекунад, ки муҳоҷирони дорои душаҳрвандь ба ҷанг даъват ва эъзом карда шаванд. Вакили Думаи Русия мегӯяд, ки бояд дар як взвод бештар аз ду-се муҳоҷир набошад, чун он ба маҳаллиҳо имкон намедиҳад, ки интизомро нигаҳ доранд. 

Матвеев қайд кард, ки муҳоҷиронро ҳамчун баталиони бинокорӣ, аз ҷумла дар хатти фронт фаъолона истифода бурдан мумкин аст.

Матвеев афзуд, лоиҳаи қонун бояд тартиби мавҷударо тағйир диҳад. Тибқи қонунҳои мавҷуда шахсони душаҳрвандӣ ба хидмати ҳарбӣ даъват карда намешаванд ва танҳо бо бастани шартнома метавонанд дар Қувваҳои мусаллаҳи Русия адои хидмат кунанд.

Пештар аз ин низ вакили рус бо суол гузоштан, ки “Баталйонҳои тоҷикон куҷоянд?” ва “Чаро муҳоҷирон аз Осиёи Марказӣ дар доираи сафарбарии ҷузъӣ ба минтақаи амалиёти махсус даъват намешаванд?”, масъалаи фиристодани тоҷиконро ба ҷанг дар Украина бардошта буд. 

Ӯ гуфта буд, ки “Дар он ҷо мардони мардуми таҳҷоии Русия барои ватани худ, пеш аз ҳама русҳо кушта мешаванд, ки дар ин ҷо садҳо ҳазор осиёгиҳо онҳоро иваз мекунанд”.

Вакили парлумони Русия гуфта буд, сабаби асосии дар ҳошия мондани зодагони Осиёи Марказӣ аз ҷанг мақоми душаҳрвандии онҳо аст ва хоста буд зуд ин қонун дигар карда шавад.

Дар ҳоле Михаил Матвеев ин тарҳи қонунро пешниҳод дорад, ки аз шуруи ҳамлаи беасоси Русия ба хоки Украина ҳазорҳо нафар аз зодагони Осиёи Марказӣ ба таври иҷборӣ ва шартновӣ бурда шуда, қисми зиёдашон дар онҷо кушта шудаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Боздошти беш аз 20 нафар дар парвандаи ҳамла ба Крокус

Дар пайи ҳамлаи хунин ба “Крокус Сити Ҳолл”-и Красногорски...

Нақшаи даъвати баҳории сарбозон пурра иҷро шуд

Вазорати мудофиаи Тоҷикистон хабар дод, ки нақшаи даъвати баҳории ҷалби сарбозон ба Артиш дар кишвар рӯзи 22-уми майи соли ҷорӣ 100% иҷро шуд.

Мақомот мехоҳанд бародари як мухолифи тоҷикро аз хонааш берун кунанд

Мақомоти ноҳияи Зафаробод мехоҳанд замини як мухолифи тоҷик Салим Султонзодаро, ки дар он бародараш хона сохтаасту зиндагӣ мекунад, мусодира кунад.

Мақомот: Занҳо сатр напӯшанду мардҳо ришу мӯйи баланд нагузоранд!

Мақомоти амниятӣ ва интизомии кишвар дар кӯчаву бозорҳо "рейд" гузаронида, масъалаи пешгирӣ аз "либоси ба фарҳанги тоҷикон бегона"-ро сахт гирифтаанд.