Шӯрои уламои Маркази исломии Тоҷикистон дар ҳамкорӣ бо Институти Астрофизикаи Академияи миллии илмҳои Тоҷикистон оғози моҳи Рамазонро муайян карданд.
Бино ба иттилои расмӣ, Шӯрои уламои Маркази исломии Тоҷикистон душанбе 11-уми марти соли 2024-ро рӯзи якуми моҳи шарифи Рамазон эълон кард.
Раёсати фатвои Шӯрои уламои кишвар дар бораи закот, садақаи фитр ва фидяи рӯза чунин қарор баровардааст:
1. Закот мувофиқи ҳисобҳои шаръӣ 35 ҳазору 275 сомонӣ муқаррар шудааст, ки аз он 880 сомонӣ закот пардохт мешавад.
2. Садақаи фитр мувофиқи меъёри шаръӣ баробар ба 7 сомонӣ.
3. Фидяи савм дар моҳи Рамазони соли 2024 барои соҳибони узри шаръӣ (шайхи фонӣ) ё бемороне, ки умеди беҳбудӣ надоранд, ба миқдори 420 сомонӣ барои 30 рӯз (барои як рӯз 14 сомонӣ) муайян карда шуд.
Моҳи шарифи Рамазон яке аз рукнҳои панҷгонаи дини мубини ислом аст, ки ба ҷо овардани он барои тамоми мусалмонони ба синни балоғати шаръӣ расидаанд, оқил ҳастандва онҳое, ки аз нигоҳи саломатӣ тавонмандии рӯза гирифтанро доранд, фарз аст.
