33.9 C
Dushanbe

Муҳлати қонунии тамдиди асноди будубош дар Русия ба охир расид, тақдири тамдид накардаҳо чӣ мешавад?

Имрӯз ба таъхир андохтани тамдиди иҷозати будубоши шаҳрвандони хориҷӣ дар Русия ба поён мерасад. Онҳое, ки иҷозаи будубоши худро тамдид накарданд, аз Русия ихроҷ мешаванд. Қаблан бо фармони Президенти Федератсияи Русия ихроҷ бо сабаби коронавирус манъ карда шуда буд.

Аммо имрӯз 15 июн муҳлати эътибори ҳуҷҷат ба поён мерасад. Аксари муҳоҷирон тамдиди ин масъаларо то лаҳзаи охирин мавқуф гузоштанд, бинобар ин дар марказҳои муҳоҷират навбатҳои азим ба вуҷуд омадааст.

Ҳамин тавр, дирӯз садҳо муҳоҷирон дар таги офтоби сӯзон дар назди маркази бисёрфунксионалии муҳоҷират (ММЦ) дар Сахаровои вилояти Маскав ҷамъ омаданд, хабар медиҳад “РЕН ТВ”.

Ҳамаи онҳое, ки дар назди бинои марказ ҷамъ омадаанд, саъй доранд муҳлати будубоши қонунии худро дар қаламрави Федератсияи Русия дароз кунанд.

Дар назди Марказ муҳоҷират ба ҳадде одам зиёд аст, ки марказ ба таври физикӣ наметавонад ба ҳамаи онҳое, ки меоянд, хидмат расонад.

Муҳоҷиронро ба маркази муҳоҷират дар Сахарово бо гурӯҳҳои хурд ворид карда шуданд, ки боиси танба шудани одамон дар назди дарвозаи ин марказ гашт.

Тибқи иттилои расонаҳои русӣ, дар се ҳафтаи охир дар кӯчаҳои назди Марказҳои муҳоҷират пур аз муҳоҷиронест, ки шабро дар болои алафзорҳо рӯз мекунанд.

Ёдовар мешавем, қаблан хабар дода шуда буд, ки шаҳрвандони Тоҷикистон метавонанд будубоши худро дар Русия то 30 июни соли 2021 қонунӣ кунанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Анҷумани иқтисоди рақамии СҲШ дар шаҳри Тянҷзини Чин

Дар чаҳорчӯби Анҷумани иқтисоди рақамии Созмони ҳамкории Шанхай (СҲШ) дар шаҳри Тянҷзини Чин ҷаласаи пӯшидаи вазирони иқтисодии кишварҳои узви ин созмон баргузор гардид.

Боздошти як омӯзгори забони англисӣ дар Душанбе бо иттиҳоми рафтори ғайриахлоқӣ

Раёсати корҳои дохилии шаҳри Душанбе хабар дод, ки як марди 50-сола бо иттиҳоми рафтори ғайриахлоқи ба як гурӯҳ духтарони ҷавон боздошт шудааст.

Чаро мақомот дар бораи хабари ихроҷи муҳоҷирони афғонистонӣ хомӯшанд?

Масъулини муҳоҷирони афғонистонӣ дар Душанбе хабари ихроҷи шаҳрвандони Афғонистон аз Тоҷикистонро рад карданд.

Боздошти ду тоҷикистонӣ бо гумони ба асорат гирифтани ҳамватани худ

Мақомоти Русия хабар доданд, ки ду шаҳрванди Ҷумҳурии Тоҷикистон бо гумони ба асорат гирифтан ва латтукӯби як ҳамватани худ боздошт шудаанд.