14.9 C
Dushanbe

Мулоқоти Ҷозеф Боррелл бо раҳбарони тоҷик дар Душанбе

Ҷозеф Боррелл, Раҳбари сиёсати хориҷии Иттиҳоди Аврупо дар Тоҷикистон бо ҳайатҳои баландпояи кишвар дидору мулоқот кард.

Раҳбари сиёсати хориҷии Иттиҳоди Аврупо, ки дар раъси як ҳайъати боломақоми ин созмон ду рӯз пеш вориди Душанбе шуда буд, субҳи дирӯз дар нишасте бо вазирони корҳои хориҷии кишварҳои Осиёи Марказӣ пушти дарҳои баста мулоқот кард.

Инчунин вай дар давоми рӯз бо Эмомалӣ Раҳмон, раиси ҷумҳури Тоҷикистон ва Сироҷиддин Муҳриддин, вазири корҳои хориҷии кишварамон дар алоҳидагӣ мулоқот намуд.

Хадамоти матбуоти Президенти Тоҷикистон, дар бораи ин мулоқоти раиси Ҳукумат бо раҳбари сиёсати хориҷии Иттиҳоди Аврупо гузориш дод, вале тафсилоти бештари мулоқотҳо зикр нанушааст. Ва инчунин гуфта нашудааст, ки ҷонибҳо дар мавриди вазъи ҳуқуқи башар дар Тоҷикистон чизе гуфта бошанд.

Аммо Маркази матбуоти равобити хориҷии Иттиҳоди Аврупо бо интишори баёния гуфт, ки дар мулоқотҳо ҷонибҳо ҳавасмандии муштараки худро дар бунёди шарокати қавӣ мабнӣ бар арзишҳои умумӣ ва манфиатҳои тарафайн таъкид карданд. Инчунин дар баёнияи ИА гуфта мешавад, ки дар мулоқоти намояндагони ИА бо намояндагони Тоҷикистон бори дигар аҳамияти пешрафтро дар волоияти қонун, демократия, идора, баробарии гендерӣ ва ҳуқуқи инсон, аз ҷумла ҳуқуқи меҳнат, ҳуқуқи ақаллиятҳои миллӣ ва татбиқи комили ҳуқуқи занону духтарон, ки нуқтаи калидии ҳамкории ИА бо шарикони худ дар саросари ҷаҳон мебошад, тасдиқ карданд.

Ҳамзамон субҳи рӯзи 23-уми ноябр ҷаноби Ҷозеф Боррелл бо ифтихор аз меҳмоннавозии тоҷиконаи Сироҷиддин Муҳриддин, вазири корҳои хориҷии Тоҷикистон ташаккур карда, таъкид намудааст, ки “дар бораи мубориза бо коронавирус, таҳкими амнияти минтақавӣ, барқарорсозии зерсохторҳои иҷтимоӣ ва иқтисодӣ, масоили вобаста ба муҳити зист ва масъалаи об суҳбатҳои муҳим доштем.”

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон шомили кишварҳои олудатарини ҷаҳон шуд

Созмони швейтсариягии IQAir, ки сифатнокии ҳаворо дар кишварҳои ҷаҳон таҳқиқ мекунад, дар гузориши тозааш Тоҷикистонро шомили кишварҳои олудатарини дунё кардааст.

Шикояти муҳоҷирони тоҷик дар Русия аз боздошту шиканҷа

Пас аз ҳодисаи ҳамла ба бинои "Крокус Сити Ҳолл" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Ҳабси пешакии гумонбарон дар ҳамлаи хунини Русия

Пас аз ҳодисаи ҳамла ба бинои "Крокус Сити Ҳоле" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Баррасии ҳамкориҳои Тоҷикистону Туркия

Мақомоти баландпояи Тоҷикистон ва Туркия дар бораи ҳамкориҳои худ ва аз он ҷумла дар бораи масоили амниятӣ суҳбат карданд.