14.9 C
Dushanbe

Мулоқоти Эмомалӣ бо генералҳои рус дар Маскав

Рӯзи 14-уми апрел дар Маскав сардори Ситоди генералии Қувваҳои мусаллаҳи Русия, муовини якуми вазири мудофиаи Федератсияи Русия, генерали артиш Валерий Герасимов бо сардори Ситоди Генералии Қувваҳои Мусаллаҳ – муовини якуми вазири мудофиаи Ҷумҳурии Тоҷикистон, генерал-лейтенант Эмомалӣ Собирзода мулоқот анҷом дод.

Бино ба иттилои Хадамоти матбуоти Округи марказии ҳарбӣ, дар мулоқот вазъи кунунӣ ва дурнамои рушди ҳамкориҳои низомӣ ва ҳарбӣ-техникии Русия ва Тоҷикистон баррасӣ карда шудааст.

Ҳамчунин масъалаи фаъолияти пойгоҳи низомии Русия дар қаламрави Тоҷикистон низ мавриди баррасӣ қарор гирифт.

Қабл аз он дар Маскав ҷаласаи Кумитаи низомии СПАД баргузор шуда буд. Дар он ҷаласа Валерий Герасимо гуфт, ки Русия интизор дорад то ҳамкориҳои низомӣ дар доираи Созмон тақвият ёбад.

Ҷаласаи Кумитаи низомии СПАД пушти дарҳои баста баргузор гардид. Пас аз мулоқот Валерий Герасимов гуфт, ки дар соли 2021 таҳти сарпарастии СПАД чор машқи муштарак дар қаламрави Тоҷикистон ва Русия гузаронида мешавад.

Герасимов инчунин гуфт, ки дар ҷараёни ҷаласа тартиби татбиқи самтҳои афзалиятноки фаъолияти Созмон дар соҳаи ҳарбӣ баррасӣ шуда, барои амалисозии онҳо ба Тоҷикистон супоришҳои дахлдор дода шудааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон шомили кишварҳои олудатарини ҷаҳон шуд

Созмони швейтсариягии IQAir, ки сифатнокии ҳаворо дар кишварҳои ҷаҳон таҳқиқ мекунад, дар гузориши тозааш Тоҷикистонро шомили кишварҳои олудатарини дунё кардааст.

Шикояти муҳоҷирони тоҷик дар Русия аз боздошту шиканҷа

Пас аз ҳодисаи ҳамла ба бинои "Крокус Сити Ҳолл" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Ҳабси пешакии гумонбарон дар ҳамлаи хунини Русия

Пас аз ҳодисаи ҳамла ба бинои "Крокус Сити Ҳоле" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Баррасии ҳамкориҳои Тоҷикистону Туркия

Мақомоти баландпояи Тоҷикистон ва Туркия дар бораи ҳамкориҳои худ ва аз он ҷумла дар бораи масоили амниятӣ суҳбат карданд.