Президенти Тоҷикистон Эмомалӣ Раҳмон бо Соҳиба Ғафорова, раиси парлумони Озарбойҷон дар шаҳри Душанбе мулоқот кард.
Хадамоти матбуоти Президенти Тоҷикистон хабар дода, ки имрӯз, 12-уми сентябри соли 2022 Эмомалӣ Раҳмон бо Соҳиба Ғафорова дар бораи рушди ҳамкориҳои “ширкатҳои “Талко”-и Тоҷикистон ва ва “Азералюминӣ”-и Озарбойҷон” ба гуфтугӯ нишастанд.
Ба қавли манбаъ, “ҷонибҳо зимни мулоқот масъалаи фаъолсозии кори Комиссияи байниҳукуматӣ оид ба ҳамкории тиҷоратию иқтисодӣ ва қабули Нақшаи чорабиниҳои ҳамкории иқтисодӣ то соли 2025-ро мавриди баррасӣ қарор доданд.”
Инчунин зимни ин мулоқот дар бораи боз кардани парвозҳои мустақим байни Душанбе ва Боку ва дигар масоили барои ҳар ду ҷониб муҳим, аз он ҷумла “густариши ҳамкории кишварҳо дар соҳаи ояндадори кооператсияи саноатӣ, татбиқи лоиҳаҳо дар бахшҳои истихроҷ ва коркард”, суҳбат карданд.
Гуфта мешавад, бо таваҷҷуҳ ба ворид кардани ду ҳавопаймои ҷадид ба порки авиатсионии ширкати “Сомон-Эйр” дар ин дидор меҳвари гуфтугӯи Эмомалӣ Раҳмон ва Соҳиба Ғафороваро рушди ҳамкориҳои тиҷоратӣ ва иқтисодӣ, аз он ҷумла, ҳамкории ширкатҳои ҳавопаймоӣ ва алюминийии мансуб ба хонаводаи сарони Тоҷикистону Озарбойҷон ташкил додааст.
