Тоҷикистон

Раҳмон бо Наришкин масоили аминятиро баррасӣ кард

Президенти Тоҷикистон Эмомалӣ Раҳмон имрӯз, 22-уми ноябр бо Директори Хадамоти разведкаи берунии Русия Сергей Наришкин дар Душанбе масоили амниятиро баррасӣ кард.

Акс аз Хадамоти матбуоти Президенти Тоҷикистон

Тавре Хадамоти матбуоти Президент хабар дод, ҷонибҳо масъалаи таҳкими ҳамкорӣ дар "самти мубориза алайҳи терроризм, экстремизм ва ҷинояткории муташаккили фаромиллӣ, бахусус қочоқи маводи мухаддир ва силоҳ, киберҷиноятҳо ва дигар намудҳои таҳдидҳо ба амнияти миллӣ"-ро таъкид карданд.

Инчунин гуфта мешавад, Раҳмон бо Наришкин муқовимат бо хатарҳоеро баррасӣ карданд, ки ба "тамоюлҳои паҳншавии идеологияи тундгароии динӣ алоқамандӣ доранд".

Раҳмон бо намояндаи Русия дар ҳоле таҳкими ҳамкорӣ дар масоили амниятӣ вобаста ба "терроризм" ва "идеологияи тундгароии динӣ"-ро баррасӣ мекунад, ки давоми 6-7 соли ахир шаҳрвнадони зиёде бо ин иттиҳомот бо дархости мақомоти тоҷик аз Русия боздошт ва ба Тоҷикистон истирдод шуда, барои солҳои тӯлонӣ равонаи зиндон гардиданд. Ба хусус дар ин ҷанд моҳи ахир ин раванд шиддат гирифтааст. Пайвандони онҳо борҳо иттиҳомоти эълоншудаи мақомотро рад карда, онро ба фаъолиятҳои сиёсӣ ва динии назидконашон рабт додаанд.

Дар ҳамин ҳол аксари созмонҳои ҳуқуқи башарии байналмилалӣ борҳо аз чунин амалкарди мақомоти тоҷик интиқод кардаанд. Ба иддаои онҳо, ҳукумати Эмомалӣ Раҳмон бо баҳонаи "мубориза бо терроризм" ва "ифротгароии динӣ" нафарони зиёдеро, ки аз ҳукуматдории ӯ норозиянд, боздошт ва бидуни муҳокимаҳои одилона зиндонӣ мекунад.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp, Viber ва Imo ба ин рақам:

Матолиби дигари Тоҷикистон

Тоҷикистон

Тағйироти кадрӣ дар мақомоти судии Тоҷикистон

Тоҷикистон

Огоҳӣ! Дар Тоҷикистон ин рӯзҳо ҳаво сард мешавад!

Тоҷикистон

Сайид Шамс ба Тоҷикистон истирдод шуд

Тоҷикистон

Афзоиши сатҳи талоқ дар Тоҷикистон. Иллат чист?