23.9 C
Dushanbe

Мулоқоти Раҳмонов ва Ҷабборов. Онҳо чӣ гуфтанд?

Имрӯз, 16-уми сентябр раисҷумҳури Тоҷикистон Эмомалӣ Раҳмон дар ҳошияи нишасти сарони кишварҳои узви Созмони ҳамкориҳои Шанхай, ки дар Самарқанд баргузор шуд, бо раисҷумҳури Қирғизистон Содир Ҷабборов мулоқот кард.

Бино ба иттилои Хадамоти матбуоти Президенти Қирғизистон, дар ин мулоқот ҷонибҳо вазъи марзи давлатии Қирғизистону Тоҷикистонро баррасӣ карда, роҳбарони ду давлат ба мувофиқа расидаанд, ки ба мақомоти дахлдор барои қатъи оташ ва баровардани нерӯ аз хатти муноқиша, дастур хоҳанд дод.

Инчунин роҳбарони Кумитаи давлатии амнияти миллии Тоҷикистону Қирғизистон, Саймумин Ятимов ва Қамчибек Тошиев дар макони ҳодиса мулоқот карда, комиссияи махсус барои таҳқиқи ҳолат ва сабабҳои муноқиша ташкил карданд.

Дар хабар гуфта мешавад, ки “ҷонибҳо ҷиҳати тезонидани кори Комиссияи байниҳукуматии Тоҷикистону Қирғизистон оид ба делимитатсия ва демаркатсияи сарҳади давлатӣ низ ба мувофиқа расиданд.”

Ёдовар мешавем, ки имрӯз пас аз 10 соати даргириҳои мусаллаҳона дар нуқтаҳои марзӣ, сарони Кумитаҳои давлатии амнияти миллии Тоҷикистону Қирғизистон дар гузаргоҳи гумрукии “Равод”-и Ӯзбекистон музокироти худро оғоз карданд.

Дар музокирот ҳамзамон раисони вилоятҳои Суғду Боткен ва дигар мақомоти расмӣ аз ҷониби ҳар ду кишвар ҳузур доштаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон: 8 миллиард барои обу ҳаво

Кумитаи ҳифзи муҳити зисти Тоҷикистон ва Бонки Осиёии Рушд...

Боздошти Шокирҷон Ҳакимов, муовини раиси ҲСДТ

Шокирҷон Ҳакимов, муовини якуми раиси Ҳизби сотсиал-демократи Тоҷикисон аз...

Боздошти марди 59-солаи тоҷикистонӣ дар Олмон ба иттиҳоми қатли ҳамсар

Мақомоти олмонӣ як марди 59-солаи тоҷикистониро бо иттиҳоми қатли ҳамсараш боздошт кардаанд.

Баъди латукӯби сарбоз раиси суди ноҳияи Шамсиддин Шоҳин аз вазифа барканор шуд

Раиси суди ноҳияи Шамсиддин Шоҳини вилояти Хатлон, ки як сарбозро латукӯб карда буд, аз вазифа барканор шуд.