Мулоқоти вазири корҳои дохилии Тоҷикистон бо ҳамтояш Раҳмонӣ Фазлӣ дар Эрон
Бино ба иттилои хабаргузориҳои эронӣ имрӯз 1 июн вазири корҳои дохилии Тоҷикистон генерал Рамазон Раҳимзода бо вазири корҳои дохилии Эрон Абдуризо Раҳмонӣ Фазлӣ дидору гуфтугӯ кард.
Сомонаи наздик ба ҳукумати Эрон “Irna.ir” аз ҷараёни мулоқот аксҳо нашр карда, аммо аз ҷузъиёти он чизе гуфта нашудааст. Ҳамчунин дар расонаҳои Тоҷикистон низ то ҳол аз ҷузъиёти ин мулоқот чизе гуфта намешавад.
Рӯзи гузашта вазири корҳои дохилии Тоҷикистон Рамазон Раҳимзода барои имзои чанд тавофуқномаҳо ба Эрон сафар кард.
Ёдовар мешавем, ки чанде пеш вазири корҳои дохилии Эрон Раҳмонӣ Фазлӣ низ бо сафари расмӣ ба Тоҷикистон омада буд. Ва охирин сафари расмии ҳайати давлатӣ аз Тоҷикистон сафари вазири дифои Тоҷикистон Шералӣ Мирзо буд, ки моҳи апрел анҷом ёфт.
Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp , Viber ва Imo ба ин рақам: +48519767404 бифиристед.