22.9 C
Dushanbe

Мулоқоти Вазири корҳои хориҷии Тоҷикистон бо дабири кулли САҲА

Вазири корҳои хориҷии Тоҷикистон дар ҳошияи иҷлоси 29-уми Шӯрои вазирони корҳои хориҷии узви САҲА дар Лаҳистон бо дабири кулли ин созмон мулоқот кард.

Бино ба иттилои сомонаи Вазорати корҳои хориҷии Тоҷикистон, имрӯз, 2-уми декабри соли 2022 Сироҷиддин Муҳриддин, вазири корҳои хориҷии Тоҷикистон бо Ҳелга Шмид, дабири кулли Созмони Амният ва Ҳамкории Аврупо дар шаҳри Лодзи Лаҳистон мулоқот кард.

Ба қавли манбаъ,  дар ин дидор “масъалаҳои умдаи ҳамкорӣ миёни Тоҷикистон ва САҲА, аз ҷумла вазъ дар минтақа ва Афғонистон, мубориза бо терроризм, ҳамкорӣ дар масъалаҳои обу иқлим мавриди баррасӣ қарор гирифтанд.”

Гуфта мешавад “дар поёни мулоқот Ёддошти тафоҳум байни Ҳукумати Ҷумҳурии Тоҷикистон ва САҲА оид ба Дафтари барномаҳои САҲА дар Душанбе ба имзо расид.”

Имзои ин тафоҳумнома дар ҳоле сурат гирифта, ки Тоҷикистон бинобар иштироки васеъи мухолифини Эмомалӣ Раҳмон дар нишастҳои САҲА фаъолиятҳои Дафтари барномаҳои САҲА дар шаҳри Душанберо маҳдуд ва борҳо расонаҳо ва мақомоти расмӣ таҳдид ҳам карда буданд, ки ин дафтар бояд баста шавад.

Бархе коршиносон бар ин назаранд, ки чун мощщои ахир САҲА барномаи васеи кумакҳояшро ба Украина ва кишварҳои Осиёи Марказӣ рӯи даст гирифтааст, ҷониби Тоҷикистон ҳам ба хотири дарёфти бахше аз ин кумакҳо ба густариши ҳамкориҳо ба ин созмон таваҷҷӯҳ кардааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Раҳмон ба Итолиё меравад?

Вазорати корҳои хориҷӣ ва ҳамкории байналмилалии Итолиё дар якҷоягӣ бо Оҷонсии савдои ин кишвар (ICE) дар бораи Тоҷикистон нишаст баргузор мекунанд.

Ихроҷи 600 муҳоҷири кории тоҷик аз Корея

Дар давоми камтар аз як моҳи ахир мақомоти Кореяи Ҷанубӣ беш аз 600 муҳоҷири кории шаҳрвнадони Тоҷикистонро аз ин кишвар ихроҷ кардаанд.

Сафари Шавкат Мирзиёев ба Душанбе

Раисҷумҳури Узбекистон Шавкат Мирзиёев рӯзи 18-уми апрели соли ҷорӣ бо сафари расмӣ вориди пойтахти Тоҷикистон шаҳри Душанбе шуд.

Тахриби масҷид дар Маскав

Мақомоти дахлдлори Русия дар шаҳри Троитски вилояти Маскав масҷиди Абӯбакрро пурра тахриб карданд.