Кунгураи (FIFA) Федератсияи Футболи Ҷаҳон чоршанбеи 11-уми декабр мизбонҳо барои баргузории Ҷоми ҷаҳонии футбол миёни мардонро барои солҳои 2030-2034 маълум кард.
Президенти Федератсияи Футболи Ҷаҳон Ҷиани Инфантино пас аз ҷаласаи ғайринавбатии Кунгураи ФФҶ, ки аз тариқи видиоӣ баргузор шуд, гуфт, ки тибқи овозҳои дода шуда, Арабистони Сауди мизбони Ҷоми Ҷаҳон барои футбол миёни мардон дар соли 2034 дониста шуд. Дар ҳоле, ки барои баргузории ҷоми ҷаҳон дар соли 2030 се кишвар: Испания, Португалия ва Марокаш баранда шудаанд.
Ин ҳам даро ҳолест, ки се бозӣ дар мусобиқоти соли 2030 ҳамчун бахшида ба 100-солагии ин Ҷом дар Аргентина, Парагвай ва Уругвай баргузор хаҳад шуд.
Ҳамаи 211 кишвари узви ФФҶ дар ҷаласа тавассути пайванди видеоӣ иштирок карданд.
Мизбони ҳарду мусобиқа ва ҷашнҳои садсолагии соли 2030 тавассути ду овоздиҳии алоҳида ихтиёр шуданд.
Дар аввал Уругвай, Парагвай ва Аргентинаро ҳамчун мизбони садсолагии ин Ҷом эълон намуданд, сипас се мизбонро барои соли 2030 интихоб ва тасдиқ карданд ва дар охир Арабистони Саудӣ барандаи мусобиқаи соли 2034 дониста шуд. Намоядаҳои кишварҳо пас эълони натоиҷ дар назди камераҳо кафкубӣ карданд. Аммо бояд зикр кард, ки дар ҳамаи се қарор барои овоздиҳӣ танҳо як варианти овоздиҳӣ вуҷуд доштааст.
Дар ҳамин ҳол баъзе аз кишварҳо талаб кардаанд, ки масъалаи ҳуқуқи башар дар назар гирфта шавад. Кишварҳои Шветсари ва Дания дар алоҳидагӣ аз ФФҶ талаб кардаанд, ки ҳуқуқи башар бояд аз ҷониби ин ниҳод ва созмони байналмилалии кор назорат шавад.
Аз 15 варзишгоҳе, ки барои баргузории бозиҳои Ҷоми ҷаҳонии соли 2034 муайян шудаанд, Арабистони Саудӣ то имрӯз танҳо чаҳортоашро сохтааст.
