Тоҷикистон дар даври дувуми марҳилаи интихобии мусобиқоти “Ҷоми ҷаҳон-2026” оид ба футбол бо ду дастаи пурқувати кишварҳои арабӣ бозӣ мекунад.
Бино ба иттилои Федератсияи Футболи Тоҷикистон, 21-уми марти соли 2024 дастаи мунтахаби миллии футболи кишвар дар даври дувум марҳилаи интихобии мусобиқоти Ҷоми ҷаҳон-2026 бо Арабистон Саудӣ бозӣ мекунад.
Тоҷикистон дар ин даври дувуми марҳилаи интихобии дастаҳо дар гурӯҳи “G” бозии сеюми худро баргузор мекунад. Ин бозӣ дар варзишгоҳи Донишгоҳи Шоҳ Сауд баргузор мешавад. Замони бозӣ соати 23:59 ба вақти Душанбе гуфта шудааст.
Гуфта мешавад, 26-уми марти соли ҷорӣ дар даври чоруми марҳилаи интихобии Ҷоми ҷаҳон-2026 дастаҳои Тоҷикистон ва Арабистони Саудӣ бозии худро дар Варзишгоҳи марказии шаҳри Душанбе баргузор мекунанд. Оғози ин бозӣ соати 20:00 ба вақти маҳаллӣ эълон шудааст.
