20.9 C
Dushanbe

Музокироти Душанбе ва Маскав

Вазорати корҳои хориҷии Тоҷикистон гуфт, ки замони баргузории даври дуюми музокироти Душанбе ва Маскав маълум шуд.

Бино ба иттилои расмӣ, рӯзи сешанбе, 21-уми майи соли 2024 Вазири корҳои хориҷии Тоҷикистон бо Вазири корҳои хориҷии Русия дар шаҳри Остонаи Қазоқистон мулоқот кардааст.

Ба қавли манбаъ, дар рафти ин мулоқот ҷонибҳо дар бораи бархе “масоили фаъолияти меҳнатии муваққатии шаҳрвандон ва омодагӣ ба музокироти дуюми байниидоравии Тоҷикистону Русия, ки қарор аст 28 майи соли ҷорӣ дар Душанбе доир шавад”, суҳбат карданд.

Пеш аз ин, дар вақти баргузории гузашти ҳарбӣ дар Рӯзи ғалаба вазирони корҳои хориҷии Тоҷикистон ва Русия дар Маскав бо ҳам мулоқот карда буданд. Он замон сафари вазир ҳамроҳи президенти кишвар хеле баҳсҳоеро ба вуҷуд оварда буд ва хеле аз корбарони шабакаҳои иҷтимоӣ мегуфтанд, ки баъд аз таҳқиру тавҳинҳои зиёде, ки шаҳрвандони Тоҷикистон аз ҷониби мақомоти Русия дар пойхтахт ва дигар вилоятҳои он мутаҳаммил мешуданд, набояд ба Маскав сафар мекарданд.

Гуфта мешавад, баъд аз тира шудани муносибатҳои мақомоти Русия дар моҳи апрели соли ҷорӣ бо шаҳрвандони Тоҷикистон ва бахусус муҳоҷирони корӣ, донишҷӯён ва дигар мусофирон дар Русия, ки ба дунболи он Вазорати корҳои хориҷии Тоҷикистон маҷбур шуда буд, то аз шаҳрвандони кишвар бихоҳад, ки муваққатан тавассути ҳамагуна нақлиёт аз сафар кардан ба Русия худдорӣ кунанд, ин дуюмин мулоқоти вазирони корҳои хориҷии Тоҷикистон ва Русия аст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гумонбарон дар қатли занҷираии Конибодом боздошт шуданд?

Мақомот гумонбарон дар қатли занҷираӣ дар шаҳри Конибодоми вилояти Суғдро боздошт кардаанд.

Ҳушдори КҲФ аз омадани сел дар баъзе манотиқ кишвар

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба сокинон ва меҳмонони кишвар аз эҳтимоли омадани сел дар чанд ноҳияи кишвар ҳушдор медиҳад.

Боздошти Усмонзода бо иттиҳоми ғасби ҳокимият

Дахлнопазирии вакили парлумони кишвар Саидҷаъфар Усмонзода бекор ва худи ӯ ба ҳабси пешакӣ гирифта шуд.

“Карим”-ро аз Русия ихроҷ карданд

Мақомоти Русия варзишкори тоҷик ва қаҳрамони ду вазни созмони "Hardcore MMA" Фазлиддин "Карим" Мадраҳимовро аз ин кишвар ихроҷ карданд.