35.9 C
Dushanbe

Як ҳайате аз намояндагони Парлумони Узбекистон ба Душанбе меоянд

Дар назар аст, рӯзҳои наздик як гурӯҳе аз намояндагони Маҷлиси миллии Узбекистон барои баргузории нишасти муштарак бо ҳамтоёни тоҷики худ ба Душанбе оянд.

Гуфта мешавад, ин нахустин нишасти гурӯҳҳои дӯстии парлумонии Тоҷикистон ва Узбекистон дар 30 соли ахир хоҳад буд, ки қабалан чунин нишастҳо набуданд ва ин бори аввалин аст.

Ба иттилои радиои Садои Хуросон ҳайати парлумонии Узбекистонро Улуғбек Иноятов, масъули кумитаи улум, омӯзиш, фарҳанг ва варзиши парлумони ин кишвар сарпарстӣ мекунад ва ҷониби Тоҷикистонро Дилрабо Мансурӣ, муовини Раиси Маҷлиси намояндагони Маҷлиси Олии Ҷумҳурии Тоҷикистон. Ҷонибҳо роҳҳои тақвияти ҳамкории маҷлисҳои байни ду кишварро мавриди баррасӣ қарор хоҳанд дод.

Гуфта шудааст, дидори ҳайати парлумонии Узбекистон бо масъулони маҷлисҳои Миллӣ ва Намояндагон ва ҳукумати Тоҷикистон дар назар аст.

Тибқи нақшаи расмии тасдиқ гардида намояндагони Маҷлиси миллии Узбекистон аз маконҳои таърихӣ, маконҳои сайёҳӣ ва марказҳои саноъатии Тоҷикистон дидан хоҳанд кард.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мулоқоти сафири Тоҷикистон бо Додситони кулли Туркия

Ашрафҷон Гулов, домоди Эмомалӣ Раҳмон ва сафири Тоҷикистон дар Туркия, 8-уми июни соли ҷорӣ бо Додситони кулли Туркия Бекир Шоҳин мулоқот карда, ба густариши ҳамкориҳо таъкид кард.

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.

Имзои 15 санади ҳамкорӣ байни Тоҷикистон ва Қатар

Маросими имзои 15 санади ҳамкорӣ байни Тоҷикистон ва Қатар бо ҳузури сарони ду кишвар дар шаҳри Душанбе баргузор шуд.

Идомаи боздошти муҳоҷирони тоҷик дар Русия

Нерӯҳои интизомии Федератсияи Русия субҳи имрӯз, 8-уми июн беш аз 27 муҳоҷири тоҷикро аз сохтмоне дар шаҳраки Котелникии вилояти Маскав боздошт карда, ба шуъбаи пулис бурдаанд.